2026 жылғы 19 қаңтарда Орталық мемлекеттік ғылыми-техникалық құжаттама архивінде архив қызметінің маңызды мәселелерін қарайтын дирекцияның отырысы өтті.
Мемлекет басшысы Қасым-Жомарт Тоқаев жақында «Turkistan» газетіндегі сұхбатында цифрландыру мен жасанды интеллектті дамытуға баса назар аударып, елдің мемлекеттік қызметтерді цифрландырудағы жетістіктерін атап өтті.
Дирекцияның кезекті отырысында Ақпараттық технологиялар және цифрлау бөлімінің қызметкері Омарбеков Абайбол қазіргі таңдағы құжаттарды сандық форматқа ауыстыру бойынша жұмыс барысы және цифрландыру үрдісінің қазіргі жағдайы бойынша ақпаратпен бөлісті. Архив құжаттары кезең-кезеңімен цифрландырылып, сандық форматқа жүйелі түрде көшіріліп жатқанын айтып өтті. Өйткені архивтегі қағаз түріндегі құжаттарды сандық форматқа көшіру оларды пайдаланудың ыңғайлылығын қамтамасыз етеді, ғылыми айналымға енгізеді. Бұл қызмет түрі жалпы архив жұмысын заманауи түрде ілгерілетудегі маңызды бағыты деуге әбден болады.