2026 жылғы 20 қаңтарда бір ғасыр бұрын Қазақ елінің астанасы болған Қызылорда қаласында Мемлекет басшысы Қасым-Жомарт Тоқаевтың төрағалығымен Ұлттық құрылтайдың бесінші өтті.
«Цифрландыру және жасанды интеллект жылын сән қуып, ұрандату үшін жариялаған жоқпыз. Бұл шешім бүкіл мемлекеттік аппаратқа нақты міндет жүктеп отыр». Бұл сөздерімен Мемлекет басшысы Қасым-Жомарт Тоқаев Ұлттық құрылтайдың V отырысында қоғамдық сананы өзгерту және мемлекет жүргізіп отырған қайта құрулардың тиімділігі үшін цифрландыру процесінің маңыздылығын атап өтті.
Бұл өз кезегінде Президент өткен жылы Құрылтай отырысында жариялаған ғылыми зерттеулерді, архив материалдарын, музей қорларын жүйелеу қажеттілігі мәселесінің жалғасы болып табылады.
Жүргізіліп жатқан өзгерістердің басты мақсаты баға жетпес ұлттық құжаттық мұраны сақтау және оны болашақ ұрпаққа беру болып табылады. Архившілер Мемлекет басшысының құжаттарды цифрландыру, цифрлық технологиялар мен жасанды интеллектті дамыту туралы сөздерін зор жігерлікпен қабылдайды, себебі мемлекеттерге өз тарихын электрондық форматқа көшіру және оларды әлемдік цифрлық өркениетке енгізу қажет.
Сондай-ақ, тарихи мұрамызды сақтау ісінде перспективалық көкжиектерді ашатын «Ұлттық цифрлық мұра» ұлттық жады мен білім репозиторийін құру идеясы айтылды.