Бүгін Орталық мемлекеттік ғылыми-техникалық құжаттама архивінің қызметкерлері деректерді өңдеу орталықтарының (ДӨО) инженерлік инфрақұрылымы бөлігінде технологиялар, шешімдер, сараптама және үздік тәжірибе ұсынылған DCDE Central Asia форумының жұмысына қатысты.
Іс-шарада дата-орталықтарды жобалау, құру және пайдалану мәселелері қарастырылды.
ДӨО негізгі функциялары: деректерді сақтау және өңдеу, желілік өзара іс-қимыл, яғни пайдаланушылар мен жүйелер арасындағы маршруттау және ақпарат алмасу, қорғау және резервтеу, оларға салқындату, электрмен қоректендіру жүйелері, резервтік көшірмелер, өрт сөндіру, бұзылудан қорғау болып табылады.
Қатысушылар жергілікті генерация перспективалары, ДӨО құру және пайдалану ерекшеліктері, жабдықтарды таңдау, деректерді өңдеу орталықтарына ЖИ енгізу сияқты маңызды мәселелерді талқылады.