2026 жылғы 14 мамырда Алматыда сиреналар іске қосылды – жоспарлы жалпықалалық сейсмикалық байқаулар өтті. Жаттығу барысында халықты құлақтандыру жүйесі, теле- және радиоарналар іске қосылды, сондай-ақ мобильді қосымшалар арқылы хабарламалар таратылды.
Халық үшін осындай маңызды іс-шараның мақсаты – халықты құлақтандыру жүйесінің дайындығын тексеру, ықтимал төтенше жағдайларға халықтың дайындық деңгейін арттыру, өзін-өзі ұстау ережелері мен эвакуациялау бағыттары туралы еске салу болды.
Орталық мемлекеттік ғылыми-техникалық құжаттама архивінің қызметкерлері жалпықалалық сейсмикалық жаттығуларға қатысты. Олар: құжаттар, су, дәрі-дәрмектер, қолшам, зарядтағыш құрылғылар, жылы киім және ұзақ сақталатын өнімдер. Жедел эвакуация кезіндегі эвакуация пункті ең жақын қауіпсіз орын - М.Лермонтов атындағы драма театрының ғимараты болды.
«Баршаңызға, назар аударыңыз!» сирена мен дыбыс белгісін естіген архив қызметкерлері одан әрі нұсқау алу үшін радиоқабылдағыштарды қосып, интернет-ресурстардағы ақпаратты бақылап, эвакуация пунктіне бет алды.
Алматы қаласының Төтенше жағдайлар департаменті мен әкімдігінің өкілдері төтенше жағдай кезінде және одан кейінгі әрекетке әрбір азаматтың жеке дайындығының маңыздылығын ескере отыра, адамдар көп жиналатын орындарда азаматтарды ғимараттардан алдын ала белгіленген қауіпсіз орындарға эвакуациялау жұмыстары туралы да хабардар етті.