2026 жылғы 14 мамырда Орталық мемлекеттік ғылыми-техникалық құжаттама архивінде архив қызметінің маңызды мәселелерін қарайтын дирекцияның отырысы өтті.
Консультативтік орган отырысында Ақпараттық технологиялар және цифрландыру бөлімінің маманы Скрипко Екатерина архивтік құжаттарды реставрациялау жөніндегі жұмыстармен таныстырып, проекторда осы бағыттағы жұмыстың барлық процесін көрсетті - реставрацияланатын архивтік құжаттардың түптелуіне дейін.
Айта кету керек, реставрациялау - бұл құжаттардың тарихи және мәдени құндылығын сақтауға бағытталған кәсіби іс-шаралар кешені. Сақтау кезінде олар механикалық зақымдануға, ылғалдануға, ластануға, деформацияға немесе жекелеген фрагменттерінің жоғалуына ұшырауы мүмкін. Және реставратордың негізгі міндеті - құжаттың түпнұсқалығын сақтау және олардың өмірін ұзарту болып табылады.