2026 жылғы 14 мамырда Орталық мемлекеттік ғылыми-техникалық құжаттама архивінде архив қызметінің маңызды мәселелерін қарайтын дирекцияның отырысы өтті.
Кеңесші органның отырысында Ақпарат және құжаттарды пайдалану бөлімінің қызметкері Саблин Сырым жеке тектік қорлармен жұмыс бойынша ақпаратпен бөлісті.
Өз сөзінде ол жеке тектік қор құжаттары ресми тектік құжаттарды толықтыратын және байытатын құнды тарихи дереккөз болып табылатынын айтып өтті. Онда тарихи процестің нақты адамдардың тағдырына қалай әсер еткені туралы ақпарат бар. Бұл құжаттарда осы адамдардың өмір сүріп, жұмыс істеген уақыты көрсетілген, болып жатқан оқиғаларға жеке баға берілген. Жеке тектік құжаттар өзінің құрамы мен мазмұны бойынша әртүрлі. Олар мәдениет, өнер, ғылым дамуына, денсаулық сақтау, қоғам өмірінің шаруашылық, саяси және басқа да салаларына елеулі үлес қосқан көрнекті адамдардың өмірлік жолын, шығармашылық процесін бейнелейді.