2026 жылғы 4 қыркүйекте Орталық мемлекеттік ғылыми-техникалық құжаттама архивінің қызметкерлері Қазақстан Республикасының Ұлттық орталық музейінде Әзербайжанның мәдени мұрасына арналған «Халық өнеріндегі уақыт тынысы» көрмесінің ашылуына қатысты. Экспозицияда Әзербайжан Ұлттық кілем музейінің (Баку қаласы) қорынан алынған XIX–XX ғасырлардағы өнердің үздік үлгілері ұсынылды.

Көрмені Әзербайжан Республикасының Мәдениет министрлігі, Қазақстан Республикасының Мәдениет және ақпарат министрлігі, Түркі мәдениеті және мұрасы қоры, Әзербайжан ұлттық кілем музейі және Қазақстан Республикасы Ұлттық орталық музейі ұйымдастырды.
Экспозицияның жеке бөлімі көрнекті ғалым, кілем суретшісі, Әзербайжан ұлттық кілем музейінің негізін қалаушы, Әзербайжанның халық суретшісі Лятиф Керимовтің туғанына 120 жыл толуына арналды. Оның жасаған эскиздері, сондай-ақ «Екінші көктем» және «Хатаи» кілемдері ұсынылды.