2016 ж. 26 тамызында ОМҒТҚА қызметкерлері ҚР Ұлттық кітапханасы, ҚХР Мемлекеттік кеңесі Баспасөз кеңсесі, ҚХР Чунцин қаласының Халық үкіметі Баспасөз кеңсесі, Хенан, Хубэй және Сычуань аймақтарының өкілдері (ҚХР) Алматыдағы Қытай Халық Республикасы Бас консулдығының қолдауымен «Smart life – Created in China 2016» («Даналық. Өмір - Қытайда зияткерлік деңгейде жасалған 2016») ұйымдастырған көрмесінің салтанатты ашылуына және «Қытай мәдениеті мен әдебиеті залының» (Қытай павильоны) тұсаукесеріне қатысты.
Іс-шаралар Қазақстан Республикасы тәуелсіздігінің 25 жылдығына және Қазақстан мен Қытай арасындағы дипломатиялық байланыстарының 24 жылдығына орай өткізілді.
Көрме қытайлық әріптестердің энергия үнемдеу, «жасыл» энергетика саласындағы және ғылым мен техника инновацияларының қоршаған ортаға жағымды әсер етудегі жетістіктерін көрсетеді. Қытай павильонында тұрмыстық заттар, музыкалық аспаптар және әртурлі бағыттар бойынша әдебиеттер ұсынылған.