2017 жылдың 5 сәуірінде ОМҒТҚА қызметкерлері Қазақстан Республикасы Мемлекеттік Орталық музейі мен Қытай Халық Республикасының Алматы қаласындағы Бас Консулдығы бірлесіп ұйымдастырылған «Ұлы Жібек жолының жаңа бейнесі мен жетістіктері» атты фотокөрменің салтанатты ашылуына қатысты.
Фотокөрменің ашылуында Мұражай Менеджмент және маркетинг департаменті директорының орынбасары Бибігүл Дандығаровнаға сөз сөйледі. Содан кейін Қазақстан Республикасының Қытай Бас консулы, Чжан Вэй мырза қазақ-қытай саясат саласындағы қарым-қатынастарды, экономика, құрылыс, кәсіпкерлік, білім беру, мәдениет, туризм және спорт жетістіктері туралы әңгімеледі. Қытай студенттері халық биін билеп және ушу қытай жауынгерлік өнерін көрсетті.
Көрмені ұйымдастырушылар келушілерге Қытай фотосуретшілерінің жұмыстары арқылы Қытайдың бай тарихы, мәдениеті, салт-дәстүрі, әдет-ғұрпы мен қытай өнерін таныстырды.
Көрме «Жаңа бейне», «Бірлескен құрылыс және пайдаланылуы», «бірлесіп өмір сүру мен ортақтаса өркендеу» атты 3 бөлімнен тұрады. Көрмеге 70-тен астам фото жұмыстар қойылған. Фотосуретшілердің жұмыстарында сонымен бірге Қытайдың сәулет ескерткіштері, көркем табиғи орындары мен көрнекті жерлері көрініс тапқан. Фотосуреттер арасында: «Jiayu – Ұлы көш», «Будда үңгіріндегі күн сәулесі», «Yongtai көне қаласы», «Түнгі қайықтар сайысы», «Тибеттік жаңа жыл», «Түйеші», «Көне ауылдағы қағаз өндіру», «Жүрдек пойыздар дәуірі», «Аспалы көпір», және т.б. жұмыстар бар.
Көрмеде келген қонақтарга Қытайдың саяси көшбасшысы Си Цзиньпинаның «Мемлекеттік басқару туралы» кітабы таратылды.