2014 жылдың 11 желтоқсанында Орталық мемлекеттік ғылыми-техникалық құжаттама мұрағатының мамандары Алматы облыстық мемлекеттік мұрағатының жаңа ғимаратының тысау кесеріне арналған салтанатты жиынына қатысты. Мұрағат ғимараты Қарасай ауданының Алмалыбақ кентінде орналасқан, жаңадан құралған Қарасай ауданының мұрағаты да осында жайғасты. Бұл облыстық мұрағатының өзінің бірінші жеке меншікті ғимараты.
Алматы облысы әкімінің орынбасары Б. Өнербаев АОММ бас директоры Г. Құлмұхамбетоваға жаңа ғимараттың кілттін тапсырды. Алматы облысының мәдениет, мұрағаттар және құжаттама басқармасының басшысы Р..Есдәулетов АОММ ұжымын құттықтады. Қазақстан Республикасы Президенті, Орталық мемлекеттік ғылыми-техникалық құжаттама, Алматы қаласының мұрағаттарының өкілдері де өз құттықтауларын айтып келешекте жұмыстарының жемісті болуын тілеп, АОММ бас директорына мұрағат мекемелері шығарған жинақтарын, еңбектерін және естелік шашулар сыйлады. Салтанатты жиынға облыс мұрағат мекемелерінің директорлары, аудан жұртының өкілдері қатысты.
АОММ қызметкерлері жаңа ғимарат ішінде келген қонақтарға экскурсия өткізіп, құжаттар қоймаларын, жұмыс бөлмелерін және семинарлар мен оқу курстарын жүргізетін заманауи компьютерлік жабдықтармен жасақталған кең әдістемелік залын көрсетті.

Ғимараттың тысау кесеріне арналған салтанатты митинг.

Алматы облысы әкімінің орынбасары Б. Өнербаев сөз сөйлеуде.

Солдан оңға қарай: Б.А. Жұматаева, М.Қ.Тахаева, Д.А.Суйнишев, Б.С.Рысқалиева, А.Қ.Ботанов, Ж.Ә.Қаламбаева, О.С.Богданова