2017 жылдың 24 қазанында, Алматы қаласының Орталық мемлекеттік архивы мен Фридрих Эберт атындағы қордың ұйымдастыруымен «Репрессия тарихы» тақырыбында конференция өтті. Конференцияға ОМҒТҚА қызметкерлері қатысты. Конференцияға Шығыс Қазақстан, Батыс Қазақстан Ақмола облыстарынан және Алматы қаласының архив мекемелерінен қатысушылар шақырылған.
Конференция тақырыбына байланысты қатысушылар Екінші дүние жүзілік соғыс кезінде отан үшін отқа түсіп, соңғы мүмкіндіктері қалғанша жаумен шайқасып, еріксізден тұтқынға түскен азаматтардың қиын тағдыры мен соңғы өмірі жайлы, Ресей және Қазақстан архивтерінен табылған құжаттар, сонымен бірге көзі тірі соғыс тұтқындарының әңгімелері негізінде баяндамалар мен мәлімдемелер жасады. Тұтқынға түсушілердің туысқандары естеліктермен бөлісті.
Конференция барысында «Ерлік жолымен» зерттеу орталығы қоғамдық қорының директоры Игсатова Дина құрастырған «Право на добрую память». Возвращенные имена казахстанцев второй мировой» атты жинақтың тұсау кесері өткізіліп, қатысушыларға сиға берілді.