ОМҒТҚА қызметкерлері Е.М. Грибанова, Ә.Қ. Еркенова, Н. Тұрсынбек 2017 ж. қарашаның 7-жұлдызында ҚР ПА ұйымдастыруымен өткізілген «1917 ж. Қазақстандағы кеңестік биліктің басталуы. Тарихи тұлғалар» атты Дөңгелек үстелге және тарихи-деректі көрменің тұсаукесеріне қатысты.
ҚР Президент архивінің қызметкерлері кеңес үкіметінің тарихи тұлғалары Сейтқали Меңдешев, Сәкен Сейфуллин, Тұрар Рысқұловтың және басқалардың қайғылы тағдырын зерттеу дереккөзі болып табылатын бірегей архив құжаттары негізінде (қызметтік хат алмасулар, хаттамалар, баяндамалар, жеке істер және т.б.) қысқаша баяндамалар жасады.
Дөңгелек үстелде Қазақстанның тарихшы-ғалымдары М.Қ. Қойгелдиев, З.Е. Қабылдинов, Т.О. Омарбеков, С.С. Хасан сөз сөйледі. Сонымен қатар, американдық зерттеуші, Гарвард университетінің Ph.D. докторанты Мария Блэквуд және видеоэфир арқылы тарих профессоры Михаил Акулов өз баяндамаларын жасады. Отырысты қортындылаған т.ғ.к. Е. Грибанова ОМҒТҚ архивінде құжаттық басылымдарды даярлау мемуарларын зерттеу барысында, кеңестік тарихшылар «ауызша тарихты» қалай тасымалдаушыға бекіткендігі туралы табылған естелік жазбасымен бөлісті.
Дөңгелек үстел аясында тарихи-құжаттық көрме және Архивтің сирек қорынан алынған газеттер мен кітаптардың түпнұсқалары қатысушылардың назарына ұсынылды. Бұл сирек басылымдардың көбісі ҚР Ұлттық архив қорының раритеті болып табылады.
Сонымен қатар іс-шараға қоғам қайраткерлері, ғалымдар, ғылым мен мәдениет ұйымдарының басшылары мен қызметкерлері, Алматы қ. ЖОО студенттері және мұғалімдері қатысты.