2015 ж. 20 ақпанында Қазақстан халықтарының Ассамблеясының 20-жылдығына орай ҚР Елбасы Мұрағатының ұйымдастырған "Дөңгелек үстел" іс шарасына ОМҒ ТҚМ-ның директоры Г.С. Сәрсенова мен мұрағат өкілдері де қатысты. Іс шара ҚР Елбасы Мұрағатының қорында сақталған Ассамблеяның құрылу тарихы туралы, оның алғашқы қадамдары мен ҚР Бірінші Президенті – Ұлт Жетекшісі Нұрсұлтан Әбішұлы Назарбаевтің ин-ститутты құрудағы рөлі: Қазақстан халықтарының форумдары мен Ассамблея сессияларындағы сөйлеген сөздері, ақпараттар, анықтамалар, жазбалар, хаттары сияқты құжаттары "Менің елім – Қазақстан" атты көрме- таныстырылымымен ашылды. ҚР ЕМ жинақтау көздері болып табылатын Дүниежүзілік қазақтар Ассоциациясы, "Возрождение" Қазақстанның немістер Ассоциациясы, Қазақтық дұңған қоғамы мен т.б Мемлекеттік және Алматы қаласының ұлттық мәдени орталық жетекшілері қатысты. "Дөңгелек үстел" барысында, Қазақстан – ортақ үйіміздің тыныштығы мен бірлігін нығайту үшін күшті топтастыру, бұндай қиын жұмыста Елбасын қолдау, өткен кезеңдер туралы қызықты әңгімелер айтылды.
Айтулы күнге арнап, еңбегі сіңген сәулетші С.Г. Космеридидің жеке қорының негізінде, 2014 ж. баспадан шыққан "Сын Казахстана и Эллады" атты құжаттар мен мәліметтер жинағын, Орталық мемлекеттік ғылыми-техникалық құжаттама мұрағаты "Қазақстан гректерінің тарихы" атты тақырып төңірегінде келе жатқан наурыз айында грек мәдениетінің орталығындағы кездесуде өз таныстырылымын жоспарлауда. Сондай-ақ, С. Космериди қорынан жинаққа енген Алматы қаласының "Эос" Этномәдени орталыгы атқарған қызметінің құжаттары еңгізілген.