2018 жылдың 15 қаңтарында ОМҒТҚА қызметкерлері «Адами капитал – жаңғыру негізі» 7 міндеттегі «Латын әліпбиіне көшу бұл мәселені реттеуге мүмкіндік береді. 2025 жылға дейін білім берудің барлық деңгейінде латын әліпбиіне көшудің нақты кестесін жасау қажет» мақсатын шешу шеңберінде архив құжаттары мен материалдары негізінде «Латын әліпбиіне өту - уақыт талабы» атты көрме дайындады.
Архивтің анықтамалық үстелінің келушілері, оқу залының зерттеушілері, анықтамалық-ақпараттық қордың пайдаланушылары, Әл-Фараби атындағы КазҰУ студенттері, архив қалашығының қызметкерлері XX ғасырдың 20 – 30-шы жылдарының бірегей құжаттарымен танысты: «Қызыл керуен» экспедициясының медициналық қызметкерлердің хаттамалары, есептері, анықтамалары, Қазақ мемлекеттік туберкулез институты, Қазақ өлкелік Ана мен бала қорғау ғылыми-зерттеу институты қызметкерлерінің баяндамалары, бюллетеньдері, статистикалық есептері және т.б. құжаттар.
Газеттердегі жарияланған латын әліпбиін игеру сабақтары ерекше қызығушылық тудырды. Архив қызметкерлері келушілерді ҚР Президенті Н. Назарбаевтың қойған латын әліпбиіне көшу мақсатының өзектілігіне ерекше назар аудартты.