Орталық мемлекеттік ғылыми-техникалық құжаттама архиві қызметкерлері Л.А. Ануарханова, Г.Т. Абилкасимова және Д. Акимжанова 2018 жылдың 9 ақпан күні Алматы қаласындағы Қазақстан Республикасы Мемлекеттік орталық музейі Гете-Институтымен бірлесіп жасаған «Экологиялық сана – табиғаттан үйренеміз» атты халықаралық интерактивті көрмесінің ашылу салтанатына қатысты
Көрмені Орталық музей Директорының бірінші орынбасары Б.С. Қақабаев ашты. Гете – Институтының өкілі Констанция Крюгерді. Сонымен қатар Қазақстан табиғатты қорғау орталығының өкілі Қ.Н. Жетпісбаев өз пікірін айтып өтті.
Көрмеде қазіргі уақыттағы экологиялық өзекті мәселелерді болдырмау, жер бетіндегі барлық қажетті құндылықтарды барынша сақтап қалуға, әр бір адам табиғат тазалығына аса мән беріп, келер ұрпақтарға да қажет екенін ескеріп, қорғауға тиісті екені атап айтылды. Адамның қызығушылығын ояту арқылы жер, ауа, су, от мәселелері ерекше назарда екенін көрсетті. Жердің табиғи ресурстарының ысырапсыз пайдаланылулары климаттың өзгеруіне әсер етіп отырғанын, ауаның ластануы, жер бетіндегі су көздерінің дұрыс пайдаланылмауы, ауыз судың тапшылығы, себепсіз өрттердің табиғатқа кері әсерлері туралы, ақпараттық материалдан басқа әркімнің қоршаған ортаға деген көзқарасын қалыптастырып, оны сақтауға қалай көмектесетінін үйрететін қызықты интерактивті білім беру бағдарламалары әзірленген. Көрме қазақ тілінде, орыс тілінде және неміс тілінде жүргізілді. Адамға ой салатын өзекті тақырыптар қозғалып, қоршаған ортаны сақтау бүкіл дүние жүзі халықтарына ортақ мәселе екенін айтып, дабыл қағып осындай көрме ұйымдастыру арқылы адамның ой-санасын оятады деген сенімдеміз.