2018 жылы 28 ақпанда Орталық Мемелекеттік ғылыми-техникалық құжаттама архивінде «Адами капитал – жаңғыру негізі» ҚР Президенті Н.Ә.Назарбаевтың 2018 ж. 10 қаңтарындағы «Төртінші өнеркәсіптік революция жағдайындағы дамудың жаңа мүмкіндіктері» жолдауын 7 міндеттегі «Өзінің тарихын, тілін, мәдениетін білетін, сондай-ақ заманына лайық, шет тілдерін меңгерген, озық әрі жаһандық көзқарасы бар қазақстандық біздің қоғамымыздың идеалына айналуға тиіс» мақсатын шешу шеңберінде сәулетші, ғалым, қоғам қайраткері, ОМҒТҚА қор құрушысы С.Г. Космеридимен кездесу ұйымдастырылды.
Кездесуге ОМҒТҚА қызметкерлерімен бірге Әл-Фараби атындағы Қазақ Ұлттық университетінің төртінші курс студенттері де қатысты. Архивке өндірістік тәжірибеден өтуге келген студенттердің дипломдық жұмысына да қажетті ақпарат жинауға мәлімет алуға болатын бұл кездесу барлығы үшін өте қызықты болды. Тоқсан жастың есігіне тақап қалған Спиридон Георгиевичтің өмірлік тәжірибесі туралы айтқан әңгімелері жастарға үлгі боларлық мағлұмат екенін айта кеткен жөн. Кездесу барысында қатысушылар өз ой толғамдарын сұрақ қойумен жалғастырып, қызықты жауаптар алды. Қазіргі таңда Қазақ бас сәулет - құрылыс академиясының ұстазы. Қор құрушыға денсаулық тілеп, тоқсан жасын атап өтуге ниет білдірдік.