2018 жылдың 1 наурызында Ақпарат және құжаттарды пайдалану бөлімінің басшысы Ж.Ә.Қаламбаева, осы бөлімнің жоғарғы деңгейдегі білікті маман архивисті А.А.Тұрсыналиева «әлеуметтік-құқықтық сипаттағы сұранымдарды қабылдау және тіркеу» тақырыбында өндірістік оқу өткізді.
Оқуға ОМҒТҚА қызметкерлері мен архивте өндірістік практикадан өтіп жатқан Әл-Фараби атындағы Қазақ Ұлттық университеті тарих, археология және этнология факультетінің 4 курс «Мұрағаттану, құжаттар жүргізу және құжаттамалық қамтамасыз ету» мамандығы бойынша студенттері қатысты. Оқыту барысында құжаттар: өтініштер, бланкілер, хаттар, дайын анықтамалар, журнал және т. б. слайд көрсетуімен жалғасты.
Мемлекеттік архивтердің мемлекеттік қызмет көрсету– әлеуметтік-құқықтық сұраныстарын орындау бойынша өзекті мәселелері талқыланып, көптеген сұрақтар қойылды. Оқу соңында аталған тақырып бойынша тыңдармандардың қызығушылығын ояту мақсатында викториналық сұрақтар қойылып, ең белсенді қатысушылар сыйлықтарға ие болды.