2018 ж. 30 мамырында заманауи сәулет өнерінің танымал тарихшысы Елизавета Григорьевна Малиновскаяның «Памятник современной архитектуры» және «Репрессированная архитектура – сталинские новостройки, творчество и судьбы архитекторов» атты еңбектерінің тұсаукесері өтті. Іс-шараға ОМҒТҚА қызметкерлері Г.Т. Абилкасимова мен Ә.Қ. Еркенова қатысты.
Жарияланған еңбектер өте өзекті сәулет өнерінің мәдени мұраларын сақтап қалу мәселелеріне арналған. Автор кеңестік кезеңде салынған ғимараттардың тарихы және олардың бүгінгі тағдырына басты назар аударған. «Памятник современной архитектуры» кітабының материалдары 1920-1930-шы жж. Алматы қ. әлеуметтік құрылыстары мен кеңестік сәулет тарихының бейтаныс, бірақ өте маңызды кезеңімен таныстырады.
Е.Г. Малиновскаяның келесі еңбегі «Репрессированная архитектура – сталинские новостройки, творчество и судьбы архитекторов» атты кітабында да кеңестік сәулет өнерінің шынайы тарихын жандандырып сонымен қатар олардың ұсталарының тағдыры туралы айтылған. Бұл еңбек сәулет өнері саласындағы қуғын-сүргін мәселелерін зерттеуге бағытталған.
Сондай-ақ тұсаукесерде жарияланған кітаптардың тематикасымен тікелей байланысты қуғын-сүргін құрбандарының, танымал суретшілердің А. Черкасский, В. Брюммер, Н. Катаевский, П. Реченский, С. Саносянның еңбектері келушілердің назарына ұсынылды. Көрменің екінші бөлімінде «Сүйікті қаламның пейзаждары» тақырыбында танымал қазақстандық суретшілердің (1940–2000 жж.) суреттері көрсетілді.
Іс-шара барысында автор жариялаған еңбектері туралы қысқаша айтып өтті. Кештің қорытындысы ретінде қатысушылар Елизавета Григорьевнаға жариялаған еңбектері және сәулет өнері саласы бойынша ғылымға қосып жатқан үлестері үшін алғыстарын білдірді. Е.Г. Малиновская Орталық мемлекеттік ғылыми-техникалық құжаттама архивіне өзінің кітаптарын табыс етті.