2018 ж. 12 маусымда (Польша Республикасы) Варшавада Халықаралық Архив Кеңесі (ЕВРАЗИКА) Евро-Азиялық аймақтық бөлімшесінің 19-шы Жалпы конференциясы ашылды.
Конференцияны Польша Республикасының Мәдениет және ұлттық мұра Министрі Петр Глинский ашып қатысушыларға құттықтау сөзін айты.
Осы форум шеңберінде «Қазіргі заманғы архив құжаттарының сақталуын қамтамасыз ету мәселелері» атты Халықаралық ғылыми конференция өткізілді.
Конференцияда қатысушы елдердің өкілдері 2017-2018 жж. өз елдерінде архив ісін дамыту туралы қысқаша хабарламалар жасады. Қазақстан Республикасы Мәдениет және спорт министрлігінің Архив ісі мен құжаттама департаментінің директоры Әлия Мұстафина «Қазақстан Республикасындағы электрондық құжаттардың сақталу мәселелері» туралы баяндап берді.
Қатысушылар ең басты мәселе – бұл электрондық құжаттардың сақталуы және олармен жұмыс жасау екенін атап өтті. Осы қызметтің түрін нормативтік-құқықтық қамтамасыз ету басымдықтарының бірі болып табылады. Сондай-ақ, архивистің әлеуметтік мәртебесі барлық жерде анықталмаған, әлеуметтік қамтамасыз ету мен жалақы деңгейі төмен. Бірақ сонымен қатар, архив саласының дамуы мен жаңа ғимараттар салуы байқалады.
Конференцияның күн тәртібінде 2017-2020 жж. өңірлік бөлімшесінің жұмыс Жоспарын жүзеге асыру туралы ақпарат, оның білім беру бағдарламасы, ЕВРАЗИКА-нің Еуропалық және Шығыс-Азиялық аймақтық бөлімшелерінің қызметі туралы айтылды.
Конференция қатысушылары поляк еврей тарихи музейіне және Польша Орталық көне актілер архивіне барды.
Сондай-ақ, ЕВРАЗИКА жұмысында қазақстандық делегация құрамында ОМҒТҚА директорының м. а. Б. А. Жұматаева қатысты.
Конференция өз жұмысын 14 маусым 2018 ж. аяқтайды.