2018 ж. 11-13 маусым аралығында ОМҒТҚА қызметкерлері Абилкасимова Г.Т., Акимжанова Д., Еркенова А.К., Толбаева Б.Х. Алматы қаласында Қазақстан Республикасы Президент Архиві және әл-Фараби атындағы Қазақ Ұлттық университеті негізінде өткен ТМД елдері жас архивістердің Екінші Жазғы мектебінің тыңдаушылары болып сертификат алды.
Жазғы мектептің салтанатты ашылу рәсімінде, Қазақстан Республикасы Президенті Архивінің директоры Жапаров Б.Ә., ҚР Президент Әкімшілігінің бөлім бастығы Тілеубеков Г.У., Алматы қаласындағы АҚШ-тың Алматыдағы бас консулы Марк Муди, Польша Республикасының Алматыдағы Бас консулы Радослав Грук, әл-Фараби атындағы Қазақ Ұлттық университетінің тарих, археология және этнология факультетінің деканы Ноғайбаева М.С. құттықтау сөз сөйледі.
ІІ Жазғы жас архивістердің мектебіне Татарстан, Өзбекстан, Қырғызстан архивистері, сонымен қатар республикалық архивтер мен барлық Қазақстан аймақтарынан архивистер қатысты.
Салтанатты бөлімнен кейін негізгі дәріс оқутушылар: Польша Ұлттық зерде институты директоры Марзена Крук және Мэриленд Университетінің профессоры (АҚШ) Адам Крисбергтің лекциялары тыңдалды. Қазақстан Республикасы Президентінің Архивінің мамандары тыңдаушыларға арнайы таныстыру экскурсия өткізіп, өз архивінің техникалық жабдықтарын көрсетті. Сонымен қатар, оқу залында архивтік жүйеге веб-ресурс арқылы виртуалды кіруі, архивтік деректер базасына қашықтан қол жеткізуі қарастырылған.
12 және 13 маусым аралығында сабақтар әл-Фараби атындағы Қазақ Ұлттық Университетінің Ғылыми кітапханасының мәжіліс залында жалғасып профессор Mарзена Крук, тарих ғылымдарының докторы, университет профессоры Көкебаева Г.К., сондай-ақ Польша профессоры Станислав Коллердің дәрістері тыңдалды. Оқу соңында дөңгелек үстел өткізілді, тыңдаушылар арасында Жазғы мектебінің дәріс оқытушыларының қатысуымен пікір алмасылды.
Қатысушылар соңғы күні Адам Крисбергтің дәрістерін тыңдады. Оқу бағдарламасының соңында барлық қатысушыларға сертификаттар берілді. Күннің екінші жартысында Алматы қаласының Орталық мемлекеттік архивінің мамандары қатысушыларды қарсы алып экскурсия жүргізді.
2018 жылы Жазғы мектептің қатысушыларының саны былтырғы жылмен салыстырғанда үш есеге артты. Жазғы мектептің өткізілуі жақсы дәстүрге айналуда. Мұнда жас архивистер тек жаңа нәрселерді үйреніп, тәжірибе алмасып қана қоймай, жаңа таныстар, достар табады және іскерлік байланыстар орнатады.