2018 ж. 27 қыркүйегінде Қазақстан Республикасы Президентінің архивінде «История. Память. Люди» IХ Халықаралық ғылыми-тәжірибелік тарихи конференция өткізілді. Бұл шара Ұлы Отан соғысы жылдарында Қазақстанға эвакуациялар тарихына арналған. Конференцияға ОМҒТҚА бас сарапшысы В.Е. Печерских, жоғары квалификация дәрежелі архивис мамандары Ә.Қ. Еркенова және Н. Тұрсынбек қатысты. Конференцияның ұйымдастырушылары: Қазақстанның Халық Ассамблеясы, Қазақстан Республикасының Президентінің архиві және «Мицва» Ассоциациясы.
Іс-шараға отандық және шетелдік зерттеушілер Польшадан, Қырғызстаннан, Өзбекстаннанның өкілдері ұсынылған екі тақырып: «ХХ ғ. Евразия: эвакуацияланғандар, жер ауып келгендер, босқындар» және «Адамдар және тағдарлар» бойынша баяндамалар жасады.
Конференцияны Қазақстан Республикасы Президенті архивінің директоры Д.Ю. Абдукадырова ашып сөз сөйлеу барысында Ұлы Отан соғысы кезінде жер аударылғандар мен эвакуацияланғандар тақырыбы, адамдардың тағдыры тарихшылар мен архившілер үшін өзекті мәселе болып қалады деп атап өткен.
Сонымен қатар конференцияға арнап Алматы қ. музейімен бірлесе отырып «Қазақстан: Ұлы Отан соғысы жылдарындағы эвакуация» тақырыбында тарихи-құжаттық көрме ұйымдастырылған. Көрмеде эвакуацияланған өндіріс мекемелері, ғылыми, мәдени ұйымдар, эвакогоспитальдар туралы материалдар, эвакуацияланғандардың тізімдері, автобиографиялар және т.б.
Ә.Қ. Еркенова, Ж.Т. Байқашпен (ҚР ПА бас сарапшысы) бірлесе отырып «Эвакуированные врачи-евреи в Казахстан» тақырыбында баяндама даярлады. Бұл баяндама және басқа да қатысушылардың 70-ке жуық баяндамалары конференцияның материалдар жинағында жарияланады. Конференцияда 20-ға жуық зерттеушілер өз тақырыптарына байланысты баяндама жасады.
«Мицва» Ассоциациясының басшысы А.И. Барон келесі конференция екі жылдан кейін 2020 ж. болатындығын атап өтіп, зерттеушілерге Қазақстанның халықтары туралы зерттеу жұмыстарын жалғастыруға шақырды.