2018 ж. 20 қазанында Алматы қаласында БЛКЖО 100 жылдығын атап өту аясында Ғ. Мұратбаев ескерткішіне гүл шоқтары қойылды. Сол күні кешке Абай атындағы Қазақ мемлекеттік опера және балет театрында осы мерейтойға арналған ұрпақтар кездесу кеші өтті.
Жиналғандарға «Комсомолға – 100 жыл» ұйымдастыру комитетінің төрағасы Қ.Сұлтанов құттықтау сөзін айтты. Республикалық комсомол ұйымының Туы және 1971 жылы марапатталған Ленин ордені Қазақстан Республикасы Президентінің архивіне мемлекеттік сақтауға қол шапалақтаумен салтанатты түрде тапсыруы өтті.
Театр фойесінде жастар ұйымының көптеген тамаша іске толы тарихын бейнелейтін, Қазақстан Республикасы Президентінің архивінде сақталған құжаттар негізінде дайындалған көрме орналастырылды.
Іс-шара қатысушыларының алдында концерттік бағдарлама барысында Қазақстан Ленин комсомолы сыйлығының лауреаттары: Ә. Дінішев, Р. Рымбаева, Н. Есқалиева, Ж. Әубәкірова, «Дос-Мұқасан», «Айгүл» ансамбльдері және т.б. артистер өнерлерін көрсетті.
БЛКЖО 100-жылдығына орай «…Это память моя, это вера моя – комсомол, комсомол, комсомол!» атты құжаттар мен материалдар жинағы жарық көрді. Онда Қазақстандағы құрылған сәттен бастап және аяқталғанға дейін жастар ұйымының тарихына байланысты құжаттар мен материалдар жарияланды. Осы жинақты құрастырушылардың бірі ОМҒТҚА қызметкері В. Е. Печерских болды. Оған «Комсомолға – 100 жыл» Халықаралық ұйымдастыру комитеті, БЛКЖО 100-жылдығына арналған мерейтойлық іс-шараларына белсенді қатысқаны үшін алғысын білдірді.