2015 ж. 5 мамырында Уәлиханов Ш.Ш. атындағы тарих және этнология институты ұйымдастырған «Ұлы Соғыс. Ұлы Ерлік. Ұлы Жеңіс.» атты Жеңістің 70-жылдығына арналған республикалық ғылыми-тәжірибелік конференциясына ОМҒТҚМ мұрағатшылары қатысты. Конференцияда барлығы 15 баяндама оқылды. Өз құттықтау сөзін соғыс ардагері Есенов Н.Е. жолдады. Сонымен қатар, қонақтарға Есеновтың Н.Е. «Участие казахстанцев в партизанском движении в Белоруссии в годы Великой Отечественной войны» атты кітабы сыйға тартылды.
ОМҒТҚМ қызметкері Садуокасова П.С. «1941-1945 жж. Қазақстанның медициналық ғылыми-зерттеу институттарының құжаттарындағы күнделікті тіршіліктің бейнесі» атты баяндаманы оқыды. Мұнда Орталық мемлекеттік ғылыми-техникалық құжаттама мұрағаты Жеңістің 70 жылдығына арнайы «Қазақстанның ғылыми медициналық мекемелерінің тарихынан. Қазақстан: 1941-1945 жж.» атты құжаттар мен материалдар жинағын дайындағандығын және жинақтағы кейбір мәліметтерді айтып өтті.