2018 ж. 28 қараша күні Қазақстан Республикасы Президентінің «Болашаққа бағдар: Рухани жаңғыру» бағдарламасы және Мемлекет басшысының Жолдауына сәйкес жарияланған Жастар жылы аясында Қазақстан Республикасы Мемлекеттік орталық музейі «Бақыт» сәндік-қолданбалы өнер орталығымен бірлесіп «Ұлттық тақырыптағы Натюрморт» атты Республикалық көркем шығармалар көрме-байқауының ашылуына ОМҒТҚА қызметкерлері Г.Т. Абилкасимова және Ә.Қ. Еркенова қатысты.
Мемлекет басшысы өз Жолдауында алдағы жылды «Жастар жылы» деп жариялауды ұсынды. Осыған орай, Халықаралық студенттер күні қарсаңында музей Алматы қаласындағы жас суретшілер мен колледж оқытушыларының жұмыстарын ұсынады. Олар әріптестерімен және оқу орындарының оқушыларымен өздерінің кәсіби тәжірибесімен, қол жеткізген жетістіктерімен бөлісті.
Іс-шараның барысында студенттер өз өнерлерін көрсетіп домбырада күй шертіп, патриоттық әндерді орындап Қазақстанның тарихи-мәдени мұрасын насихаттайтын, суретшілердің бейнелеу және қолданбалы өнердің түрлі жанрларында және техникаларында орындалған шығармашылық жұмыстарын көрсетіп, көне қазақ халқының дәстүрлі киім үлгісінің топтамасымен келушілерді таныстырды.
«Ұлттық тақырыптағы Натюрморт» көрмесінде Алматы қаласының көркем өнер колледждері мен жоғары оқу орындары оқытушыларының 100-ден астам шығармашылық жұмыстары ұсынылады. Көрме түрлі жанрлық бағытты – кескіндеме, графика, мүсін, сәндік-қолданбалы өнерді қамтыған.
Алматы қаласындағы үздік жас суретші-педагогтердің жұмыстарынан жасақталған көрме Қазақстандық бейнелеу өнері мектебі көркемдік деңгейінің жоғарылығын көрсетеді.