ОМҒТҚА қызметкерлері Қазақ бас сәулет-құрылыс академиясы Сәулет факультетінің сыртқы қатынастар және студенттік мәселелері жөніндегі деканының орынбасары Раушан Амангелдіқызы Атағұловамен және сол факультеттің 4-курс студенті Әмір Сатыбалдиновпен кездесу өткізді.
Архивістер кездесу барысында ҚБСҚА келген қонақтарға ОМҒТҚА жеке тектік қорлар құрамындағы бірінші қор құраушы, ҚазКСР еңбегі сіңген сәулетші, ғалым, қоғам қайраткері Спиридон Георгиевич Космеридидің бірегей құжаттарымен таныстырды: бұл КСРО ХШЖК-нің күміс медалімен марапатталған «Әсем» сауда-тұрмыстық орталығының, Қазақстан ЛКЖО ғимаратының, республикамыздің бірінші спорт кешенінің жобалары, қолжазбалары, мақалалары, баяндамалары, лекциялары, және ғимараттардың, көшелердің, ескерткіштердің фотоальбомдары т.б. Ағымдағы жылдың желтоқсанында 90-жасқа толатын С.Г.Космеридидің мерейтойлық іс-шараларының жоспары талқыланды. Мерейтой иесі туралы
фильм түсіру үшін бейне түсірілім жүргізілді.