Новости:
10 қантар 2019 жыл
Орталық мемлекеттік ғылыми-техникалық құжаттама архиві «Из истории проектирования объектов культуры г. Алма-Аты (1930–1980-е гг.)» құжаттар және материалдар жинағын жариялады. Жауапты редактор – Б.А. Жұматаева. Құрастырушылар: Е.М. Грибанова, В.Е. Печерских (жауапты), Г.С. Сәрсенова. – Алматы: Print Express, 2018. 334 б. + қосымша парақ 12 б.
Жинаққа 1930–1980 жылдар аралығындағы Алматы қ. мәдениет нысандарын жобалау тарихына қатысты құжаттар мен материалдар басып шығарылған.
Атап айтқанда: Мемлекеттік музей, Мемлекеттік цирк, В.И. Ленин атындағы сарай, Абай атындағы Қазақ академиялық опера және балет театры, М.О. Әуезов атындағы Қазақ академиялық драмалық театры, М.Ю. Лермонтов атындағы Орыс драмалық театры, Балалар және жасөспірімдер театры, Алматылық мақта-маталық комбинаттың мәдениет сарайы, Аймақтық офицерлер үйі, Шетел мемлекеттерімен достық және мәдени байланыс үйі, Т.Г. Шевченко атындағы Қазақ мемлекеттік көркемөнер галереясы, А.С. Пушкин атындағы Республикалық көпшілік кітапханасы, Республикалық ғылыми-техникалық кітапхана, Алматылық хареографиялық училищесі, Кино үйі, «Арман», «Казахстан», «Октябрь» кинотеатрлары, Халық шаруашылық жетістіктерінің көрмесі, Орталық мемлекеттік архив және басқа да бірқатар нысандар.
Жинаққа 144 құжат кірді оның 29-ы графикалық. Жинаққа кірген барлық құжаттар алғаш рет жарияланып отыр. Басылымды даярлау барысында алдымен тақырыпқа сәйкес келетін Орталық мемлекеттік ғылыми-техникалық құжатама архивінде сақталған құжаттар пайдаланылды. Сонымен қатар, Қазақстан Республикасының Орталық мемлекеттік архивінің, Қазақстан Республикасы Президенті архивінің, сондай-ақ Алматы қ. Орталық мемлекеттік архивінің құжаттары да пайдаланылды.
Басылым тек жобалау қызметімен айналысатын шектеулі мамандар ортасына ғана емес, сонымен қатар, мемлекетіміздің ең әдемі қаласының сәулет бейінінің тарихына қызығушылық танытқан оқырмандарға да арналған.
2019 ж. ақпан айында осы құжаттар және материалдар жинағының тұсау кесері өткізілмек.


Все новости

Жаңалықтар

Показать все
18 наурыз 2024 жыл
Әр ұлтты ерекшелендіретін дәстүрлі құндылықтары, әр ұлттың қолтаңбасы іспетті дара әдет-ғұрпы, салт-санасы, ұлттық киімдері бар.


17 наурыз 2024 жыл
Наурызнама онкүндігі аясында 2024 жылдың 17 наурызы «Шаңырақ» күні болып белгіленді. Шаңырақ – материалдық және рухани мұраның символы. Бұл күн сүйіспеншілік, құрмет, сенім, өзара көмек, мейірімділік, жанашырлық, анаға құрмет және ұрпақ сүю сияқты отбасылық құндылықтарды насихаттауға арналған.


16 наурыз 2024 жыл
Қазақ халқының салт-дәстүрлері ұлттың қасиеттерін көрсетеді және халқымыздың тұрмысына, ырымына қарай қалыптасады. Тұсау кесу - тәй-тәй басқан сәбидің өмір жолы ашық болсын деген ниетпен жасалатын қазақ халқының тұрмыс-тіршілігіндегі ең әдемі әдет-ғұрыптың бірі.


15 наурыз 2024 жыл
Наурыз мерекесін тойлау аясында 15 наурыз «Қайырымдылық» күні болып белгіленді. Бұл күні «Қазақстан халқына» қоғамдық қоры, «Samruk-Kazyna Trust» әлеуметтік жобаларды дамыту корпоративтік қорымен өмірлік қиын жағдайға тап болған адамдарға көмек көрсету және әлеуметтік игі істер марафоны басталды.


Яндекс.Метрика Разработка и поддержка: ntd.kz