2019 ж. 4 мамырында ОМҒТҚА қызметкерлері ҚР ОМА ұйымдастырған «Ұлы Отан соғысы – архив құжаттарында. Құпиясыздандырылған құжаттар» атты Дөңгелек үстел отырысына және көрменің таныстырылымына қатысты. Іс-шаралар келе жатқан мемлекеттік мерекелер – Отан қорғаушылар Күні және Жеңіс Күніне арналған.
Көрмеге ҚР ОМА 1941–1945 жж. Ұлы Отан соғысына қатысқан 316 атқыштар дивизиясының (8-ші Панфиловтік гвардиялық атқыштар дивизиясы), сондай-ақ, құпиясыздандырылған 1938–1945 жж. № 1146 «Қазақ әскери комиссариаты» құжаттары қойылған. Құжаттарда жалпы халықты Қызыл әскер қатарына алу мобилизациялау, 316 атқыштар дивизиясы, 100 және 101 Қазақ жеке атқыштар бригадасының құрылуы, сонымен қатар, қазақстандықтардың Отан қорғап көптеген ерліктерінің куәліктері туралы мәліметтер берілген.
Осы іс-шараға шақырылған Ұлы Отан соғысының ардагерлері, олардың тағдырына түскен қатал сынақтары туралы естеліктерімен бөлісті.
Дөңгелек үстел барысында 2010 жылы КТК телеарнасы түсірген (100 және 101 Қазақ жеке атқыштар бригадасының құрылуы және оның майдан жолы тарихын бейнелейтін) «Стертые имена» атты деректі фильм көрсетілді.
Іс-шараға белгілі ғалымдар, өлкетанушылар, архивістер, ЮНЕСКО, ТМД елдерінің дипломатиялық корпустардың, Қазақстан Республикасы Қарулы Күштерінің, Алматы қаласы қоғам өкілдері қатысты.