2019 ж. 5-6 маусымында Омбы қаласында (Ресей Федерациясы) архив саласындағы Ресейлік-Қазақстандық ынтымақтастық жөніндегі комиссиясының 2-ші отырысы өтті.
5 маусымда Омбы облысының Заң шығарушы ғимаратында Ресейлік-Қазақстандық комиссиясының Пленарлық отырысы жүргізілді.
Отырыс басталғанға дейін Омбы облысының Үкіметі ғимаратының фойесінде «Архивтік мұра: тарих пен халықтарды байланыстырған» атты құжаттар көрмесі ашылды.
Қазақстандық делегацияны ҚР Мәдениет және спорт министрлігінің Архив ісі және құжаттама департаментінің директоры Б.Қ. Тансыбеков басқарды. Делегация құрамына келесі архив мекемелерінің басшылары кірді: ҚР Ұлттық архиві директорының орынбасары А.С. Несіпбаев; ҚР Орталық мемлекеттік архивінің директоры А.Ж. Қарымсақов; ҚР Орталық мемлекеттік ғылыми-техникалық құжаттама архивінің директоры Б. А. Жұматаева; ҚР Орталық мемлекеттік кинофотоқұжаттар және дыбыс жазбалары архивінің директоры Г.Р. Мұхтарова.
Ресейлік делегациясы келесі құрамда болды: Федералдық архив агенттігі басшының орынбасары А.В. Юрасов (делегация жетекшісі); РФ Мемлекеттік архивінің директоры Л. А. Роговая; Ресей мемлекеттік экономика архивінің директоры Е.А. Тюрина; Омбы облысы Мәдениет министрлігінің Архив басқармасының бастығы Г.И. Растягаева; Орынбор облысы Архив істері жөніндегі комитетінің төрағасы В.А. Рубин; Федералдық архив агенттігінің пайдалану және халықаралық байланыстар бөлімінің бастығы К.Г. Черненков; Ресей мемлекеттік әлеуметтік-саяси тарихы архивінің бас маманы О.А. Шашкова.
Отырыста Ресей мен Қазақстанда архив ісін дамыту туралы ақпаратпен алмасты, сондай-ақ, «Қазақстан Ұлы Отан соғысы жылдарында» атты бірлескен құжаттар жинағының, «Байқоңыр» атты тарихи-құжаттық көрменің дайындық мәселелері мен Ресей мен Қазақстанның архив мекемелерінің арасындағы өңіраралық ынтымақтастықты одан әрі дамыту сұрақтары талқыланды
Сондай-ақ, делегация мүшелері Омбы облысының Тарихи архивіне барып, тәжірибе алмасу мақсатында екі елде қолданылатын автоматтандырылған жүйелерді, электронды ресурстар мен ақпараттық-іздеу құралдарды практикалық пайдалану бойынша кәсіби кездесулерге қатысты. Осы тақырып бойынша ҚР ОМҒТҚА директоры Б. А. Жұматаева хабарлама жасап сөз сөйледі.
Қазақстандық делегация Омбы қаласының бірқатар музейлеріне барып экспонаттарымен танысты.