2019 ж. 10 маусымында ОМҒТҚА қызметкерлері әуесқой-боксшы 2000 жылғы Олимпиада чемпионы, 1996 жылғы Олимпиада ойындарының және 1997 және 1999 жылдардағы әлем чемпионаттарының жүлдегері, КСРО-ның спорт шебері (1988 ж.), ҚР бокстан халықаралық дәрежедегі еңбек сіңірген спорт шебері (2000), Қазақстанның бокстан еңбек сіңірген жаттықтырушысы Ермахан Сағиұлы Ыбрайымовпен ивент өткізді. Іс-шара Елбасы Н. Назарбаевтың 2018 жылғы 5 қазандағы Қазақстан халқына «Қазақстандықтардың әл-ауқатының өсуі: табыс пен тұрмыс сапасын арттыру» Жолдауын талқылауға арналды.
Атақты спортшымен кездесуге Әл-Фараби атындағы Қазақ Ұлттық университетінің және Қазақ мемлекеттік қыздар педагогикалық университетінің студенттері шақырылды.
Ермахан Ыбрайымов біздің мемлекетіміздің тәуелсіздік жылдарындағы жетістіктері мен жақын болашақтағы мәселелері туралы айтып берді. Ол жоғары білім беру жүйесіндегі оқу орындарында мамандар дайындау сапасына қойылатын талаптардың өскенін, жыл сайын мемлекеттік грант санының көбейгенін атап өтті. Осыған байланысты, 2019 жыл - «Жастар жылы» деп жарияланғанын, көптеген ауқымды жастар жобаларының жүзеге асыруға тамаша мүмкіндігінің пайда болғанын да айтып берді.
Ермахан жастарды білім алуда ғана емес, сонымен қатар, спортпен айналысуына және еліміздің қоғамдық өмірінде белсенділікке шақырды.
Кездесу студенттердің үлкен қызығушылығын тудырды.