2019 ж. 27 қыркүйегінде ОМҒТҚА қызметкерлері Ж. Қаламбаева мен Л. Ануарханова Алматы қ. ҚР Мемлекеттік Орталық музейі мен Тан әулетінің ежелгі Батыс нарығының Сиань музейі, «Тан Саньчао» майлы кескіндеме музейі және Сианьнның ежелгі астанасының кескіндеме және каллиграфия институты мен бірлесіп ұйымдастырған «Жібек жолына арналған көркемсурет туындыларының эстетикасы – ежелгі Чаньанның кескіндеме әлемінің квинтэссенциясы» атты көрменің ашылуына қатысты.
Көрме музей келушілерін «Аспан асты елінің» бейнелеу өнерімен таныстырды, аталмыш көрмеге Қытайдың Сиань қаласындағы танымал Тан Саньчао, Цуй Цзымо, У Чэнбинь және Чжоу Цисян суретшілердің 60-тан астам шығармалары ұсынылды. Көркем туындылар келушілерге табиғаттың сиқыры мен сұлулығын, Қытай кескіндемесінің көркем әсемдігін көріп, оларды жасаушылардың көңіл-күйі мен өнерге деген ұмтылысын тамашалауға мүмкіндік берді. Көрме аясында Қытай суретшілерімен кездесу өтті, олар көркем шығармаларды жасау тәжірибесімен бөлісті.