ќаз
|
рус
Вход
_USERNAME 
_USERPASSWORD 
Авторизация пользователя
ОРТАЛЫҚ МЕМЛЕКЕТТІК ҒЫЛЫМИ-ТЕХНИКАЛЫҚ ҚҰЖАТТАМА
АРХИВI
 
_NEWS:
07 қазан 2019 жыл
2019 жылдың 4 қазанында Нұр-Сұлтан қ. «Жадымыздан өше бастаған және жаңа туған есімдерді ғылымның сан тараулы саласынан іздестіру. Қазақстан: 1960-2000 жж.» тақырыбында Халықаралық ғылыми-тәжірибелік конференциясы өтті.
Конференция 2018 жылдың 5 сәуірінде архив саласындағы ынтымақтастық жөніндегі Қазақстан-Ресей комиссиясының Бірінші отырысында бекітілген ресейлік және қазақстандық архивистердің бірлескен іс-шаралар жоспарына сәйкес өткізілді. Бұл шараның ұйымдастырушысы - Қазақстан Республикасы Мәдениет және спорт министрлігінің Орталық мемлекеттік ғылыми-техникалық құжаттама архиві. Бірлескен ұйымдастырушы - Қазақстан Республикасының Ұлттық архиві.
Жасыратыны жоқ, соңғы жылдары Қазақстан халқының жасампаз қызметінде ғылым мен техниканың тарихы, инженерлік-техникалық ғылым зиялылардың рөлі ғылыми мекемелер мен зерттеушілердің назарынан тыс қалып жүр. Сондықтан да, ұйымдастырушылар, конференцияны дәл осындай тақырыпта өткізе отырып, алынған ақпараттармен ақтаңдақтарды толтыруды мақсатқа қойды.
Конференцияны ұйымдастырудың таза кәсіби себебі - Қазақстан Республикасының Ұлттық архив қорын қазіргі кезең құжаттарымен толтыру туралы алаңдаушылық. Архивистер өздерінің күнделікті қызметінде жүйелі түрде кейбір мекемелер мен компаниялардың басшыларында сақталатын құжаттар мен осы саладағы зерттеулердің өзара байланысы туралы білмеуі, бұл қоғамдық сақтау үшін қажетті көздерді алуға кедергі келтіреді. Бұл жұмыс әсіресе «Қазіргі Қазақстанның 100 жаңа тұлғасы» жобасын және «Архив-2025» мемлекеттік бағдарламасын жүзеге асыру тұрғысынан өзекті болып табылады. Біздің замандастарымыздың елдің өзекті мәселелерін шешуге қосқан нақты үлесін растайтын құжаттамалық базаны қалыптастыру және үнемі толықтыру қажет.
Архив тарихи тақырыптағы конференцияны екінші рет өткізіп отыр. Бірінші «Тарихтағы адам: Қазақстанның ғылыми, инженерлік және техникалық интеллигенциясының дереккөздері. 1920-1950 жылдар.» атты Халықаралық ғылыми-тәжірибелік конференциясы 2017 жылдың сәуірінде Алматыда өтті.
Конференцияны ҚР Мәдениет және спорт министрлігінің вице-министрі Е. Бисақаев ашып, конференция қатысушыларына ҚР Мәдениет және спорт Министрі А.Р. Райымқұлованың құттықтау сөзін оқып берді. Содан кейін, мәлімделген тақырып шеңберінде баяндамалар тыңдалды. Ресейден Самара қ. Ресей мемлекеттік архиві директорының орынбасары М. А. Выборнова келді. Конференцияның модераторы тарих ғылымдарының докторы, профессор Ж. О. Артықбаев болды (Л.Н. Гумилев атындағы Еуразия Ұлттық университеті).
Конференцияда келесі мәселелер талқыланды: өткен кезеңдерді зерделеуде архивтік дерек көздерінің, зияткерлік ой тарихын зерттеуде құжаттық мұраларды пайдалану мәселелерінің маңыздылығы; ХХ ғасырдың соңында отандық ғылым мен техниканың дамыуына елеулі үлес қосқан, бұл күнде жадымыздан өше бастаған тұлғаларға қатысты тарихи әділеттілікті орнату.
Сондай-ақ, конференция қатысушыларына Қазақстан Республикасы Мәдениет және спорт министрлігінің Орталық мемлекеттік ғылыми-техникалық құжаттама архиві қорларының негізінде дайындалған тарихи-деректі көрмесі ұсынылды.
Конференцияға қазақстандық және шетелдік ғалымдар, тарихшылар, архивистер, ЖОО мұғалімдері, мемлекеттік органдар мен қоғамдық ұйымдардың өкілдері қатысты.
Конференция соңында қатысушыларға сертификаттар берілді.



































































_ALLNEWS

Жаңалықтар

Показать все
29 қыркүйек 2022 жыл
2022 жылғы 29 қыркүйекте Қарттар күні қарсаңында ОМҒТҚА қызметкерлері өмірінің көп бөлігін архив саласында қызмет етуге арнаған архив ардагерлеріне барды.


28 қыркүйек 2022 жыл
2022 жылғы 28 қыркүйекте келесі мәселелер қаралған ОМҒТҚА сараптамалық-тексеру және әдістемелік комиссиясының кезекті отырысы өтті


23 қыркүйек 2022 жыл
2022 жылдың 23 қыркүйегінде Қазақстан Репсубликасы Орталық мемлекеттік архиві  қалашығының мәжіліс залында «Қазақтың Алтын Аңызы – Оспан батыр және Нұрғожай батырдың мұрасы» атты Халықаралық ғылыми-тәжірибелік конференция өтті.


21 қыркүйек 2022 жыл
ҚР Мәдениет және спорт министрлігінің бастамасымен "Архив және болашақ ұрпақ" республикалық жобасын іске асыра отырып, 2022 жылғы 21 қыркүйекте Орталық мемлекеттік ғылыми-техникалық құжаттама архиві Алматы қаласының мектеп оқушылары, колледждері мен ЖОО студенттері үшін Ашық есік күнін өткізді.


Яндекс.Метрика Web site engine code is Copyright ©2007-2008 by Kasseler CMS. All rights reserved.   Разработка и поддержка: neon-group