Оқшаулау жағдайында тағы бір еңбек аптасы аяқталды. Бұл жағдай Орталық мемлекеттік ғылыми-техникалық құжаттама архивінің қызметкерлеріне үйреншікті емес болса да, олар өз жұмысын жалғастыруда.
Жоспарға сәйкес архив сайттында орналасқан ғылыми-техникалық құжаттама бойынша электронды каталогты толықтыру жұмысы жүріп жатыр. Ағымдағы жылдың 26 сәуірі жағдайы бойынша «Электронды каталог» дерекқорына енгізілген жазбалардың жалпы саны (карточка) 11 631 құрайды.
«Халида Маманова» атты құжаттар мен материалдар жинағын шығарудан бұрын екінші рет беттеп оқу жұмыстары аяқталып, есімдер көрсеткіші құрылды.
«Ауызша тарихы» айдары архив қызметкерлері дайындаған жаңа материалдарымен толықтырылды.
«ОМҒТҚА электрондық құжаттары» айдарында архив мамандары үшін мақалаларды дайындап жазу бойынша бейнеролик түрінде әдістемелік ұсыныстар орналастырылған.
Сондай-ақ, архив ісі мен іс қағаздарын жүргізудің ең өзекті мәселелері бойынша жаңа әдістемелік құралдарды жазу бойынша жұмыстар жалғасуда.
Қашықтық режимінде ОМҒТҚА қызметкерлері «Қазақ биологиялық қауіпсіздік мәселелері ғылыми-зерттеу институты» ШЖҚ РМК әріптестерімен бірге бейнеконференция өткізді. Конференция барында, осы мекеменің тізімдемелерін құрастырушыларына ОМҒТҚА СТӘК берілген құжаттарды пысықтау бойынша әдістемелік кеңес-көмектер көрсетілді. Сондай-ақ, осы қашықтық режимінде ОМҒТҚА құрылымдық бөлімшелерінің бейнемәжілістері жүргізілуде.
ОМҒТҚА ұжымы Алматы қ. мемлекеттік архивінің қызметкерлері дайындаған челлендж эстафетасын қабылдай отырып «Біз біргеміз!» атты музыкалық композициясын орындады. Бейнеролик әлеуметтік желілерде таратылып келесі эстафетасы Шымкент қаласының мемлекеттік архивінің ұжымы тапсырылды.
Оқшалау жағдайындағы жұмыс жалғасуда. Біз біргеміз!