ОМҒТҚА ұжымының бір бөлігі өзінің қызметін жұмыс орнында – архив ғимаратында орындауға мүмкіндік алып, екінші еңбек аптасын аяқтады.
Архив қызметкерлері құжаттарға қол жеткізіп, архив қоймаларында қорлардың орнын ауыстыру мен оңтайландыру, өшіп бара жатқан мәтіндерді, №99 қордың аса құнды құжаттарын анықтау, тізімдемелерді қалпына келтіру жұмыстарын қайта бастады. Сондай-ақ, әлеуметтік-құқықтық сұраныстарды орындау бойынша жұмыстар жалғасуда. ҚР Тұңғыш Президенті Н.А. Назарбаевтың 80-жылдығына орай көрме экспозициясы үшін құжаттарды айқындау жұмыстары ұйымдастырылуда. ОМҒТҚА қор құраушыларымен және әлеуетті жеке қор иелерімен қолданыстағы қорларды толықтыру, сонымен қатар, жаңа қорларды қалыптастыру бойынша келіссөздер жүргізілуде. Қорлар бойынша шолулар, архив құжаттарының негізінде жаңа жарияланымдар дайындалып жатыр. Азаматтардын сұраныстарын қабылдап, телефон арқылы кеңестер беру жұмыстары жүзеге асырылуда.
Жоспарлы түрде архив сайттында орналасқан ғылыми-техникалық құжаттама бойынша электронды каталогты толықтыру жұмысы жалғасуда.
Бұл жұмыстардың барлығы көзделген санитарлық-эпидемиологиялық шараларды қатаң сақтай отырып жүргізілуде.