2020 ж. 5 маусымында Шымкент қ. мемлекеттік архиві 1941-1945 жылдардағы Ұлы Отан соғысындағы Жеңістің 75 жылдығына орай ұйымдастырған «Қазақстандықтар Ұлы Отан соғысы жылдарында» тақырыбында вебинар өткізілді.
Вебинарға ОМҒТҚА директоры Б. А. Жұматаева қатысып, архив ұжымы осы мерейтойға арналған жобаларды іске асырғаны туралы айтып өтті. Бұл Ресей Федерациясымен бірлескен «Қазақстан Ұлы Отан соғысы 1941-1945 жылдарында» құжаттар жинағын дайындау; жыл сайын осы мереке күндері архив сайтында дәстүрлі ұйымдастырылатын «ОМҒТҚА Мәңгілік полкі» виртуалды көрмесін жариялау; архив қызметкерлері өздерінің туыстары - Ұлы Отан соғысына қатысушылар туралы әңгімелеп отбасылық архив құжаттары көрсетіп, бейнефильм жасау және оны әлеуметтік желілерге тарату; соғыс ардагері И. А. Абдулов және басқа да бірқатар ардагерлерді құттықтау және басқа іс-шаралар өткізу.
Б. А. Жұматаева осы жылы ОМҒТҚА мемлекеттік сақтауға қабылданған Ұлы Отан соғысына қатысушы Х. Е. Маманованың құжаттарын атап өтті. Қазіргі уақытта архив ұжымы осы қордың материалдары негізінде жақын арада шығарылатын құжаттар жинағын дайындауда.
Вебинарға республиканың мемлекеттік архив өкілдері, сондай-ақ ғалым-тарихшылар қатысып баяндамалар жасады.