2020 жылдың 23 қазанында Алматыда «Архив-2025» Мемлекеттік бағдарламасын іске асыру мақсатында «Ғылыми-техникалық құжаттама: дәстүрлі және инновациялық жұмыс түрлері» Халықаралық семинары өз жұмысын аяқтады.
Семинардың ұйымдастырушысы – Қазақстан Республикасы Мәдениет және спорт министрлігінің «Орталық мемлекеттік ғылыми-техникалық құжаттама архиві» РММ.
Бұл посткеңестік тарихта Қазақстан аумағында осы тақырыпта өткізіліп жатқан екінші семинар. Бірінші семинар 2016 жылдың қыркүйегінде Алматы қаласында өткізілген. Семинар аяқталғаннан кейін қатысушылар ұйымдастырушыларға осындай іс-шараларды тұрақты түрде өткізіп отыруларына тілектерін білдірген.
Ағымдағы жылы белгілі жағдайларға байланысты семинар үш кезеңде өтті. 2020 жылдың 12 қазанында болған бірінші кезеңінде ҚР ОМҒТҚА директоры Б.А. Жұматаева қатысушылармен сәлемдесіп, семинарды ашып берді. Семинар қатысушылары www.ntd.kz - архив веб-сайтынан және youtube-каналынан (ҚР ОМҒТҚА) ғылыми-техникалық құжаттамамен жұмыс жасау саласындағы отандық, сонымен қатар, ТМД аумағындағы жетекші мамандандырылған архивтердің - Ресей мемлекеттік ғылыми-техникалық құжаттама архиві (Мәскеу) және Самарадағы Ресей мемлекеттік архиві мамандарының бейнелік қойылымдарын (баяндамаларын) көре алды. Сондай-ақ, семинарға қатысушыларға ҚР ОМҒТҚА және оның қор қоймалары бойынша бейне экскурсиялар ұсынылды. Қорытындылай келе, архив мамандары ғылыми-техникалық құжаттармен жұмыс істеуге байланысты нақты мәселелер бойынша тәжірибелік кеңестер берді. Семинар материалдарын 500-ге жуық көрулер тіркелді.
Екінші кезеңде (12-18 қазан) баяндамалар талқыланып, оларға байланысты туындаған сұрақтарды баяндамашыларға, сонымен қатар, семинар туралы қатысушылардың пікірлері электронды пошта (cgantd@gmail.com) арқылы жіберілді. ҚР ОМҒТҚА мамандары келіп түскен сұрақтарға жауап берді. Семинар туралы сұрақтар мен жауаптар, сондай-ақ оның қатысушыларының пікірлері мен тілектері (ҚР ОМҒТҚА) youtube-каналында орналастырылған.
Биылғы жылдың 23 қазанында соңғы үшінші кезеңде семинардың қорытындысы мен жабылуы өтті. ҚР ОМҒТҚА директоры Б. А. Жұматаева сөз сөйлеп семинарды қорытындылады. Семинардың 81 қатысушысына сертификаттар, ал белсенділерге - 11 алғыс хаттар берілді.
Халықаралық семинар жұмысына іс жүргізу және архив ісі бойынша барлығы 88 маман қатысты.
Оның ішінде - Қазақстан Республикасының 10 мемлекеттік архивінің 47 өкілі болды. Семинарды ұйымдастырушы ҚР ОМҒТҚА қызметкерлерден басқа, бұл Қазақстан Республикасының Ұлттық архивінің, Шығыс Қазақстан, Қарағанды, Маңғыстау, Павлодар, Түркістан облыстарының мемлекеттік архивтерінің, Қарағанды облыстық ғылыми-техникалық құжаттама жөніндегі мемлекеттік архивінің, Атырау облысы мемлекеттік архиві Атырау қалалық филиалының, Жамбыл облысы Талас ауданы мемлекеттік архивінің өкілдері.
Қатысушылар қатарында республиканың 24 ұйымының іс жүргізу және архив қызметтерінің 35 маманы болды.
Семинарды ұйымдастырушылар біздің ресейлік әріптестер Кюнг Павел Алексеевич пен Козырь Ольга Юльевнаға семинарға қатысқаны үшін, сондай-ақ біздің отандық мамандар: Рудняева Виктория Феликсовнаға, Ахметова Айбала Балабаевнаға, Мусаханова Мадина Зульпухаровнаға семинарға қызықты және мазмұнды баяндамалар дайындағандары үшін алғыс білдіреді.
Сонымен қатар, семинардың жұмысына тарихшылар, ЖОО оқытушылары, студенттері, мемлекеттік органдар мен қоғамдық ұйымдардың өкілдері қатысты.