Орталық мемлекеттік ғылыми-техникалық құжаттама мұрағатында мемлекеттік сақтауда жатқан Қазақстан Республикасы Ұлттық мұрағат қорының құжаттарына отандық зерттеушілер арасында ғана емес, сонымен қатар шетелдік тарихшылар арасында қызығушылық бар
Ағымдағы жылдың шілде айының аяғында ОМҒТҚМ оқу залында Француз ұлттық ғылыми зерттеулер орталығының (Париж) жанындағы Ресей, Кавказ, Орталық Азия және Орталық Еуропа орталығының аға ғылыми қызметкері, тарих ғылымдарының докторы Изабель Оайон жұмыс жасады. Оның зерттеу жобасының тақырыбы – «Кеңестік Қазақстанның қоршаған ортасының, жайылым шаруашылығының және экологиясының жағдайы (1970–1980 жж.)». Бұдан бұрын мұрағатқа Германия Федеративтік Республикасынан сәулетші және баспашы, бұрынғы КСРО тұрғын үй және қоғамдық ғимараттардың сәулет тарих саласының маманы Филипп Мойзер келген.