Құрметті әріптестер!
Сіздерді осындай өте ерекше қиындықтарға толы 2020 жылдың қуанышты оқиғасымен құттықтаймыз! Енді Қазақстан Республикасында атап өтілетін мерекелік күндер күнтізбесінде тағы бір күн пайда болды – 22 желтоқсан –Архивистер күні!
Бұл күн кездейсоқ таңдалмаған. Дәл осы күні 1998 жылы «Ұлттық архив қоры және архивтер туралы» Қазақстан Республикасының Заңы қабылданды – Қазақстан Республикасы Ұлттық архив қорының құжаттарын жинақтау, сақтау, мемлекеттік есепке алу, пайдалану және республикадағы архив ісін мемлекеттік басқару саласындағы қоғамдық қатынастарды реттейтін Егемен Қазақстан тарихындағы алғашқы заң.
Мойындасақ, біз, архивистер, көп ұлтты халқымыз бен мемлекетіміздің құжаттық қазынасы – асыл мұрасын сақтауды қамтамасыз етудің игілікті миссиясын атқаратын қызметкерлер көптеген кәсіби мерекелер тізімінде пайда болуын көптен күткен едік. Шынында да, біздің кәсіби ортада жоғары білімді және өз ісіне берілген азаматтар еңбек етеді, олар өздерінің барлық білімі мен дағдыларын туған еліне қызмет етуден аянбайды.
Орталық мемлекеттік ғылыми-техникалық құжаттама архивінің ұжымы архив саласының барлық қызметкерлерін кәсіби мерекелерімен тағы да құттықтайды және өз әріптестерінің әрқайсысына мықты денсаулық, кәсіби өсу және Отанымыз – Қазақстан Республикасының гүлденуі үшін өзін-өзі жетілдіруді тілейді!