«2-М Production» Медиакомпаниясы «Хабар» агенттігі» АҚ тапсырысы бойынша "Білім және мәдениет" телеарнасы үшін Қазақстанның үздік сәулет нысандары туралы бағдарламалар топтамасын дайындайп жатыр.
Бағдарламалардың бірі бүкіл әлемде кең танымал Алматы қаласындағы Қазақ мемлекеттік цирк ғимаратына арналады. Фильмнің материалын дайындау барысында медиакомпанияның қызметкерлері Орталық мемлекеттік ғылыми-техникалық құжаттама мұрағатына келіп осы бірегей сәулет нысанының құрылысына байланысты құжаттармен танысты. Оның сыртқы көрінісінде қазіргі үрдістермен бірге қазақ халқының ұлттық мәдениетінің ассоциативтік байланыс сипаттарының бейнесі табылады.
Қазақ киіз үйіне ұқсас, әртістердің қойылымдарына, жаттығуларына және репетицияларына қажетті барлық жағдайлар жасалынған, 2160 орынды әдемі ғимарат қаламызды жайнатты.
1972 ж. 6 мамырында Қазақстанның КП ОК бірінші хатшысы Д.А. Қонаев, Қазақ КСР Министрлер Кеңесінің төрағасы Б. Әшімов, КП Алматы облыстық комитетінің бірінші хатшысы А. Асқаров және басқа да республика басшыларымен бірге цирктің салынып жатқан ғимаратын көріп шықты.
Д.А. Қонаев құрылысшыларға Алматыға және қазақстандықтарға жақсы сыйлық жасағаны үшін алғысын білдірді. Сонымен қатар, Д.А. Қонаев 10 маусым күні Жамбылдың 125 жылдығын тойлауға орай қазақ әртістерінің жаңа бағдарламасымен цирктің салтанатты ашылуы болса деп тілек білдірді.
1972 ж. 9 маусымында цирктің ғимараты (сәулетшілер: В.З. Кацев, И.В. Слонов) пайдалануға берілді. Келесі күні цирктің ресми ашылуы өткізілді.