2021 жылы 23 маусымда ТМД елдерінің IV жазғы архивистер мектебі онлайн-форматта өз жұмысын жалғастырды.
Үшінші күні Кореяның Ұлттық архивінің қызметкері Д.Ким «Кореядағы электронды жазбаларды басқару: жүйелер мен стратегиялар» тақырыбында дәріс оқыды. Беларуссияның құжаттама және архив ісі ғылыми-зерттеу институтының директоры, доцент, т.ғ.к. А.Рыбаков «Беларусь Республикасында құжаттар мен архивтерді басқарудың ақпараттық жүйелерін әзірлеу және енгізу: архивистер мен IT мамандарының өзара іс-қимыл мәселелері», ҚР ОМҒТҚА директоры Б.Жұматаева «ҚР ОМҒТҚА ақпараттық іздеу жүйелері және электрондық құжаттардың қауіпсіздігін қамтамасыз етудің өзекті мәселелері» тақырыбында сөз сөйледі, Қазақстан Республикасы Президенті архиві директорының орынбасары Ә.Мұстафина «Цифрлық әлемдегі архивтердің болашағы» баяндамасын ұсынды.
Соңында ТМД елдерінің жас архивистерінің IV жазғы мектебінің қорытындылары шығарылып, салтанатты жабылуы болды.