ќаз
|
рус
Вход
_USERNAME 
_USERPASSWORD 
Авторизация пользователя
ОРТАЛЫҚ МЕМЛЕКЕТТІК ҒЫЛЫМИ-ТЕХНИКАЛЫҚ ҚҰЖАТТАМА
АРХИВI
 
_NEWS:
14 қыркүйек 2021 жыл
2021 жылдың 14 қыркүйегінде Алматы қ. Қазақстан Республикасы Ұлттық кітапханасында «Орталық мемлекеттік ғылыми-техникалық құжаттама архиві» РММ ұйымдастырған «Қазақстан - Халықаралық антиядролық қозғалыстың көшбасшысы» атты Дөңгелек үстел өткізілді.
Биыл Қазақстан Республикасының Тұңғыш Президенті - Елбасы Нұрсұлтан Назарбаев өте маңызды тарихи құжатқа - Қазақ Кеңестік Социалистік Республикасы Президентінің 1991 жылғы 29 тамыздағы № 409 «Семей ядролық сынақ полигонын жабу туралы» Жарлығына қол қойғанына 30 жыл толды.
2021 ж. 5 қаңтарында «Egemen Qazaqstan» газетінде жарияланған Мемлекет басшысы Қасым-Жомарт Тоқаев «Тәуелсіздік бәрінен қымбат» мақаласында келесі жоспарларды белгіледі: «1991 жылы Семей полигоны жабылды. Оның еліміз ғана емес, барша адамзаттың болашағы үшін айрықша маңызды шешім екенін ескеріп, арнайы іс-шара өткізу қажет деп санаймын. Елбасы қол қойған Жарлықтың арқасында Қазақстан бүкіл дүние жүзіне ядролық қару-жараққа қарсы әлемдік қозғалыстың көшбасшысы болып танылды, алып мемлекеттердің сеніміне ие болды, халықаралық қоғамдастықта жауапкершілігі жоғары ел ретінде мойындалды».
Осыған орай, Дөңгелек үстелде талқыланатын хабарлама мен баяндамалардың негізгі бағыттары: архив құжаттарында Қазақстандағы антиядролық қозғалыстың құрылуы мен жеткен жетістіктерінің тарихы, қазіргі уақытта антиядролық қозғалыстың өзектілігі, антиядролық қозғалыстың дамуына елеулі үлес қосқан тұлғалар туралы және т. б.
Карантин жағдайындағы Дөңгелек үстел отырысына қатысушылар мен қонақтардың бір бөлігі санитарлық нормаларды сақтай отырып офлайн-режимінде, бір бөлігі - онлайн-режимінде қатысты.
Дөңгелек үстел отырысын ОМҒТҚА директоры Б. А. Жұматаева ашты. ОМҒТҚА директоры өзінің алғы сөзінде Семей сынақ полигонының тарихына қысқаша тоқталып, қырық жылдық сынақтардан зардап шеккен өңірлерді оңалту Қазақстанда басты міндеттердің бірі болып қалатынын, оны шешу үшін мемлекет пен азаматтық қоғамның елеулі күш-жігері қажет екенін атап өтті.
Дөңгелек үстелге қатысушылар-антиядролық қозғалыстың ардагерлері, оқиғаның куәгерлері: Н.К. Бозтаев, Д.З. Игсатова, Д.С. Жұмаділ Есір, Т.Т. Аршабеков, Л.К Қадырова өз хабарламаларында жалпыұлттық трагедия – ядролық сынақтардың салдары, «Невада-Семей» қозғалысының пайда болуы, О. Сүлейменов, К. Бозтаевтың ядролық жарылыстарды тоқтатуға қосқан үлесі туралы айтты.
ҚР ОМҒТҚА қызметкерлері: Л.А. Ануарханова, С.О. Саблин, А.С. Абдрахманова, И.К. Ерғалиева, ҚР Президенті Архиві директорының көмекшісі М.Т. Жылгелдинов, ҚР ОМКФДЖА Ғылыми анықтамалық аппарат және құжаттарды ғылыми пайдалану бөлімінің басшысы Е.Ә. Толықбаева өз сөздерінде аталған архивтерде мемлекеттік сақтауда тұрған құжаттар, фильмдер, фотосуреттер, газеттер мен журналдар туралы хабардар етті.
Ж.А. Курмашева «Кинофокус: влияние последствий полигона на жизнь современных людей» атты деректі фильмінің қалай түсірілгенін айтып берді, онда Семей полигонына іргелес ауылдар тұрғындарының бүгінгі нақты болмысы көрсетілген.

Дөңгелек үстел аясында ОМҒТҚА ұжымы ағымдағы жылы шығарған «Из истории проектирования спортивных сооружений г. Алма-Аты (1950–1980-е гг.)» құжаттар мен материалдардың жаңа жинағының тұсаукесері өтті.
Оған ОМҒТҚА «Медеу» биік таулы спорт кешені, Балуан Шолақ атындағы спорт және мәдениет сарайы, Алматы қаласының Орталық стадионы, Динамо стадионы, Орталық бассейн, Шымбұлақ тау шаңғысы кешені, Алматау туристік базасы, сондай-ақ республиканың білім беру мекемелерінің бірқатар спорттық нысандары бойынша жобалау құжаттары кіргізілген. Жинаққа барлығы 107 құжат енгізілді, оның 27-сі графикалық. Барлық құжаттар бірінші рет жарияланды.
Басылымға ОМҒТҚА құжаттарынан басқа, ҚР Мәдениет және спорт министрлігінің Орталық мемлекеттік кино, фотоқұжаттар мен дыбыстық жазбалар архиві қорындағы фотоматериалдары кеңінен ұсынылды.
Дөңгелек үстел қатысушыларына «Семей ядролық полигоны ОМҒТҚА құжаттарында» атты және тақырып бойынша Қазақстан Республикасы Ұлттық кітапханасының қорларынан алынған кітаптар мен басылымдар көрмелері ұсынылды.
Іс-шараларға ғалымдар, тарихшылар, антиядролық қозғалыстың ардагерлері, қоғамдық қорлардың, Алматы қаласы басқармаларының басшылары, мемлекеттік архивтердің қызметкерлері және т. б. офлайн- және онлайн-түрінде қатысты.
Іс-шара соңында қатысушылар мен қонақтар Дөңгелек үстел жұмысының жемісті және табысты өткенін атап өтті, баяндамашылардың хабарламалары мазмұнды болды, ұсынылған ақпарат қатысушылар мен қонақтар үшін өзекті және қызықты болды.
Дөңгелек үстелдің белсенді қатысушылары алғыс хаттармен марапатталды.





























































_ALLNEWS

Жаңалықтар

Показать все
23 қыркүйек 2021 жыл
Тілдер күніне арналған ролик


22 қыркүйек 2021 жыл
Орталық мемлекеттік ғылыми-техникалық құжаттама архивінің қызметкерлері 2021 жылдың 22 қыркүйегінде Қазақстан Республикасы Тәуелсіздігінің 30 жылдығына және Қазақстан Республикасы Ұлттық архивінің 15 жылдығына арналған “Тәуелсіздік және Елбасы: жасампаздықтың жаңа тарихы" халықаралық ғылыми-практикалық конференциясының жұмысына онлайн-қатысты.


21 қыркүйек 2021 жыл
2021 жылдың 21 қыркүйегінде ОМҒТҚА қызметкерлері Т.С. Джанайдарова мен Ж.А.Қаламбаева тәжірибе алмасу мақсатында Нұр-Сұлтан қаласының мемлекеттік архивінде болды.


21 қыркүйек 2021 жыл
2021 жылғы 21 қыркүйекте ОМ ҒТҚА  қызметкерлері: М.М. Бейсембаева, Т.С. Джанайдарова, Ж. А. Қаламбаева ҚР Ұлттық архиві дайындаған Қазақстан Республикасы Тәуелсіздігінің 30 жылдығына арналған көрме экспозициясымен танысты. Көрменің құжаттары мен материалдары Қазақстанның архив қызметінің тәуелсіздік жылдарындағы жетістіктерін ашып көрсетеді.


Яндекс.Метрика Web site engine code is Copyright ©2007-2008 by Kasseler CMS. All rights reserved.   Разработка и поддержка: neon-group