2015 ж. 15 қыркүйегінде Орталық мемлекеттік ғылыми-техникалық құжаттама мұрағатына Қазақ КСР еңбек сіңірген құрылысшысы, Қазақ КСР Мемлекеттік сыйлығының лауреаты, профессор Қазақ сәулет-құрылыс академиясының құрметті профессоры, «KAZGOR» жобалық академиясының академигі Владимир Рафаилович Краснянский келген. Кәсіби инженер-құрылысшы, мастер және прораб қызметінен бастап Мемлекеттік құрылыс комитеті төрағасының орынбасары, Қазақ КСР монтаж және арнайы құрылыс жұмыстары министрлігі министрінің орынбасары жолын жүріп өтті.
Владимир Рафаилович Шығыс Қазақстан облысындағы ет комбинаты, машиналар мен кірпіш зауыттарын іске қосуға, Семей цемент зауытының, Ертіс мыс балқыту зауытының, Лениногор полиметалл комбинаты нысандарының құрылысына, Өскемен қорғасын-мырыш зауытын қалпына келтіруге және басқаларына тікелей қатысы болды. В.Р. Краснянский жер сілкінісіне төзімді биік «Қазақстан» қонақүйінің бірегей жоба құрылысына технологиялық жаңалықтарды енгізушілердің бірі болды. Оның әріптестерінің арасында- құрастырушылар А. Деев, Н. Матвиец, сәулетшілер Л. Ухоботов, Ю. Ратушный. Жобаға В. Краснянский өзінің ұстазы ретінде санайтын атақты ғалым Т. Жүнісов қатысты. Краснянский қызмет барысында көптеген мемлекет қайраткерлерімен, белгiлi тұлғалармен: А.А. Асқаров, Э.Х. Гукасов, А.Г. Баталов, Ю.А. Гагарин, Л.Г. Жуков, А.Г. Коркин, Д.А. Қонаев, А.А. Кулибаев, Г.М. Маленков және басқалармен араласты. Өз уақытында Н.А. Назарбаев кейбір эксперименталды жобаларды іске асыруға В.Р. Краснянскийге қолдау көрсетті.
2002–2009 жж. В.Р. Краснянский «Корпорация ВЕК» ЖШС вице-президенті, одан кейін кеңесші ретінде қызмет атқарды. «Корпорация ВЕК» ЖШС «ЖСК» ЖШС бірлесіп құрылыс саласының ауыр дағдарыс жағдайында, мемлекеттік және жеке инвестицияларды күтпестен, Алматыда банктердің несиелік ресурстарына құрылыс қызметін ұйымдастыруда алғашқылардың бірі болған.
Қазіргі кезде Владимир Рафаилович «Казхиммонтажхолдинг» АҚ вице-президенті ретінде жұмысын жалғастырып жатыр.
В.Р. Краснянский мұрағат ұжымымен кездесу барысында мұрағаттың қоймаларымен, оқу залымен, көрмелерімен, басылымдарымен танысты. Мұрағатшылар қонаққа Жеке қор құжаттары бойынша аңдатпалық жолсілтерді сыйласа, Владимир Рафаилович «Страницы жизни» атты естеліктер кітабын сыйлады.