1931 ж. 10 қазанында Кемер облысы Кемер ауданы Боровушкино ауылында Борис Петрович Шах туылды. 1959 ж. Қазақ ауылшаруашылық институтын агроном мамандығы бойынша бітірген соң өз еңбек қызметін Целиноград облысындағы бір шаруашылықтан бастады, содан кейін «Ақсай» тәжірибелі шаруашылығында жоғарғы агроном және Алма-Ата облысындағы «Кастек» совхозында бас агроном болып жұмыс істеді.1963 ж. дәрілік шөптерді өңдеу кешені мәселелері бойынша кандидаттық диссертациясын қорғады. Семей Мемлекеттік облыстық ауылшаруашылық тәжірибе станциясында директордың орынбасары, Қазақ КСР ауылшаруашылығы министрлігінің ғылым Басқармасында бас маман болып жұмыс істеді.1965–1973 жж. – КазҒЗИ жемістендіру тәжірибелі шаруашылық (Қордай ауданы, Жамбыл облысы) директоры, 1973–1975 жж. ҚазАШИ «Джаңашар» оқу-тәжірибелік шаруашылық директоры. Б.П. Шахтың басшылығымен ол экономикалық көрсеткіші жағынан мықты оқу шаруашылығының бірі болды.1975–1985 жж. Батыс Қазақстан АШИ ректоры, 1985–1991 жж. Қазақ ауылшаруашылық институты ректоры. Батыс Қазақстандағы көктемдік және қыстық бидай өсірудің қарқынды технологиясын және топырақты өңдеу жүйесінің салыстырмалы тиімділігін зерделеу бойынша ғылыми зерттеуді басқарды. Эксперименттік жұмыстың қорытындылары бойынша 60-тан аса ғылыми мақалалар және ауыл шаруашылығы жоғарғы оқу орындары студенттеріне арналған үш кітап жариялады. Ленин және Дружбы народов ордендерімен, бірқатар медальдармен, Грамоталармен және ҚазақКСР Жоғарғы Кеңесі Президиумының Құрмет грамотасымен марапатталған. Қазіргі таңда еңбек демалысында.