2022 жылдың 21 маусымында ҚР Мәдениет және спорт министрлігінде сыбайлас жемқорлық пен құқық бұзушылыққа қарсы күрес жөніндегі іс-шара өткізді. Іс шараға министрлікке бағынысты ұйымдар мен мекемелер, сондай-ақ мемлекеттік архив басшылары офлайн және онлайн форматта қатысты. ОМҒТҚА-нің директоры Б.А. Жұматаева іс-шараға ZOOM платформасында қатысты.
Семинар барысында, сыбайлас жемқорлық тәуекелдерін талдау және алдын алу, комплаенс-қызметтерді құру, комплаенс-офицерлерді енгізу. Бұл туралы Мәдениет және спорт министрлігінде сыбайлас жемқорлыққа қарсы іс-қимыл агенттігі өкілдерінің қатысуымен өткен «Квазимемлекеттік сектордағы сыбайлас жемқорлықтың алдын алу» тақырыбы айтылды. Сонымен бірге, «Сыбайлас жемқорлықпен күрес - бірінші кезекте сыбайлас жемқорлықтың алдын алуды, жан-жақты мониторинг жүргізуді, сондай-ақ сыбайлас жемқорлық тәуекелдерін талдауды көздейді. «Сыбайлас жемқорлыққа қарсы іс - қимыл туралы» Заңға сәйкес мемлекеттік органдар, ұйымдар мен квазимемлекеттік сектор субъектілері сыбайлас жемқорлық тәуекелдеріне ішкі талдауды жүзеге асырады, оның нәтижелеріне сай оларды жоюға арналған іс - шаралар қабылдайды», - деді Мәдениет және спорт министрі Дәурен Абаев.
Сонымен қатар министр өзгеде жемқорлыққа қатысты түйіткілді мәселелерге тоқталып, сөз соңында: «Бұл бағыттағы жұмыстың тиімділігі сыбайлас жемқорлыққа қарсы іс-қимылдың ведомствоішілік нақты құрылған жүйесіне тікелей байланысты. Осыған сай, аталған мәселенің маңыздылығын ескере отырып, сыбайлас жемқорлыққа қарсы іс - қимыл агенттігі өкілдерінің қатысуымен бүгінгі кездесу өткізіліп отыр», - деп түйіндеді.