Жаңару мен жасампаздықтың бастауы саналатын Ұлыстың ұлы күні, ырыс-берекенің арқауы Наурыз мерекесі қарсаңында Орталық мемлекеттік ғылыми-техникалық құжаттама архивінде мерекелік іс-шара өткізілді.
Көктемнің жаңару мерекесімен архив ұжымын әріптестері Орталық мемлекеттік кино-фотоқұжаттар мен дыбыс жазбалары архиві және архивтің толықтыру көздері болып табылатын ұйымдар құттықтады, атап айтсақ «Алматыбасжоспар» ҒЗИ» ЖШС, «Қазақ қайта өңдеу және тағам өнеркәсіптері ғылыми зерттеу институты ҒЗИ» ЖШС, «Ботаника және фитоинтродукция институты» ШЖҚ РМК, «У.М.Ахмедсафин атындағы гидрогеология және геоэкология институты» ЖШС, «Ж. Жиембаев атындағы Қазақ өсімдіктерді қорғау және карантин ҚазҒЗИ», «Алтын алмас» АҚ және өзге де ұйымдар өкілдері.
Архив қызметкерлері қазақтың салт-дәстүрлерінің маңыздылығын айтып, «Сырға салу» мен «Қыз ұзату» салттарынан тамаша қойылым жасады.
Барша қазақстандықтарды Жақсылықтың жаршысы, жаңа жылдың бастауы – Наурыз мерекесімен шын жүректен құттықтаймыз! Ұлтымыздың мерейін өсіріп, бар болмысымызды айшықтайтын мереке елімізге, әрбір отбасына бірлік пен қуаныш, құт-береке, бақыт пен молшылық әкелсін!