2023 жылдың 20 сәуірінде Қазақстан Республикасы Мәдениет және спорт министрлігі Архив істері және құжаттаманы басқару комитетінің Қазақстан Республикасы Орталық мемлекеттік ғылыми-техникалық құжаттама архивінің ҰАҚ толықтыру және ведомстволық архивтер бөлімінің қызметкерлері архивтің толықтыру көздері болып табылатын ұйымдардың іс жүргізуге жауапты өкілдеріне «Істер номенклатурасын құрастыру және қалыптастыру» оқыту семинарын өткізді.
Іс-шараның мақсаты архив ісі саласындағы заңнама талаптарына сәйкес толықтыру көздері-ұйымдардың ведомстволық архивтері қызметкерлерінің кәсіби білімі деңгейін және біліктілігін арттыру болды. Атап айтқанда, архившілер ұйымның істер номенклатурасын әзірлеуде нормативтік-әдістемелік құжаттарды басқару, оны дұрыс ресімдеу бойынша ұсыныстар берді. Қазақстан Республикасы Мәдениет және спорт министрінің міндетін атқарушының 2017 жылғы 29 қыркүйектегі №263 бұйрығымен бекітілген «Сақтау мерзімдерін көрсете отырып, мемлекеттік және мемлекеттік емес ұйымдар қызметінде жасалатын үлгілік құжаттар тізбесіне» енгізілген соңғы өзгерістер туралы айтып өтті.
Жұмыс барысында саладағы архив қызметкерлерін толғандырған мәселелер бойынша пікір алмасу болып, ұйымдар өкілдері ведомстволық архив жұмысына және іс жүргізуге қатысты өздерінің сұрақтарын қойып, оларға тұщымды жауаптар берілді. Біраз сұрақтарға Қазақстан Республикасы Орталық мемлекеттік ғылыми-техникалық құжаттама архивінің директоры Жұматаева Баян Амантайқызы жауап беріп, архив қызметкерлері әрқашан әдістемелік көмек көрсететінін атап өтті.
Бұл семинар Қазақстан Республикасы Ұлттық архив қорының құжаттарын ведомстволық архивтерде дұрыс қалыптастыруға және сақтауға оң әсерін тигізеді деген сенім білдіреміз.