2023 жылдың 29 сәуірінде Алматы қаласында архив мекемелерінің қызметкерлері арасында волейболдан турнир өтті. Оған басқа командалармен қатар алғаш рет Орталық мемлекеттік ғылыми-техникалық құжаттама архивінің «Самұрық» командасы да қатысты. Дебют сәтті өтті. «Жетісу» командасымен табанды күресте біздің жігіттер жүлделі үшінші орынға ие болды. Бұл – сөзсіз женіс! Осы сайыста лайықты өнер көрсеткен әріптестерімізді құттықтаймыз! Финалда Алматы қаласының мемлекеттік архивінен келген қарсыластарынан басым түскен Қазақстан Республикасы Президенті Архивінің командасы бірінші орынды иеленді.
Бірақ бұл турнир тек спорттық жетістіктермен ерекшеленген жоқ. Жүлделерді тапсыру кезінде үшінші орын үшін матчтағы қарсыластары – «Жетісу» командасына өзінің бағалы сыйлығын тапсырған біздің команданың игі әрекеті барлық қатысушылардың есінде қалды. Бұл сыпайы ишарат көпшілікті таң қалдырды, бірақ басқаша болуы мүмкін емес еді. Бұл ОМҒТҚА! Марапатқа лайық жандарға құрмет көрсету архивіміздің дәстүріне айналған деп айтуға болады.
Жарайсыңдар! ОМҒТҚА Алға!