Мемлекеттік сақтауда тұрған құжаттарға сұраныстың жоғары екендігін көрсететін Орталық мемлекеттік ғылыми-техникалық құжаттама архиві қызметінің бір бағдары Алматы қаласының сәулет өнерін қалпына келтіру, реконструкциялау немесе күрделі жөндеу жұмыстарын жүргізу үшін қажетті құжаттамамен қамтамасыз ету болып табылады.
Қазіргі уақытта қаланың өткен ғасырда жобаланып, салынған көптеген нысандары осындай түрлендіруді қажет етеді. Дәл осы мақсатта Орталық мемлекеттік ғылыми-техникалық құжаттама архивіне «MSKEGineering» ЖШС бас инженері Н.Р. Қуатбаев сұраныс жасады. Ол өкілдік ететін ұйым Алматыдағы Қазақ мемлекеттік циркінің ғимаратын күрделі жөндеуден өткізеді. Ғимараттың жобасы 1966-1972 жылдары жасалған. «Алмааагипрогор» мемлекеттік жобалау институты. Бұл бірегей сәулет құрылымдарының бірі.
Қор құрышыдан осы нысанның жобалық құжаттамасын пайдалануға келісімін алғаннан кейін Орталық мемлекеттік ғылыми-техникалық құжаттама архивінің қызметкерлері «MSKEGineering» ЖШС маманына қажетті істерді алуға тапсырыс беру үшін архивтік тізімдемелерді берді. Ақпараттық технологиялар және цифрландыру бөлімінің қызметкерлері циркті күрделі жөндеуден өткізуге қажетті құжаттардың барлығын сканерден өткізіп, көшірмелерін цифрлық форматта аталмыш ұйымға тапсырды.
Бұған дейін архивке осындай қызмет түріне Республика сарайын қалпына келтіру жұмыстарын жүргізген, сондай-ақ 2022 жылғы қаңтар оқиғасынан кейін Алматы әкімдігі ғимаратының келбетін қалпына келтірген мамандар жүгінген болатын. Екі жағдайда да барлық қажетті құжаттамамен ОМҒТҚА қызметкерлері оперативті түрде қамтамасыз етті.