2023 жылдың 21 қыркүйегінде ҚР Орталық мемлекеттік ғылыми-техникалық құжаттама архиві қызметкерлері Орталық мемлекеттік архивінің әріптестерімен бірлесіп Ашық есік күнін өткізді. Ашық есік күніне Алматы қаласының жалпы білім беретін мектептерінің оқушылары мен жоғары оқу орындарының студенттері қатысты.
Мектеп оқушылары мен студенттер республикалық жетекші архивтер және Қазақстан Республикасы Ұлттық архив қорының құжаттарын сақтау шарттарымен тереңірек танысуға мүмкіндік алды. Архив қызметкерлері бірегей ғылыми-техникалық құжаттамаларды алуды, сақтауды және пайдалануды қамтамасыз ететін бірден-бір мамандандырылған республикалық мемлекеттік мекеменің жарты ғасырға жуық қызметіндегі жетістіктерге де тоқталды.