2024 жылдың 30 сәуірінде Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің қызметкерлері белгілі чех ғалымы, шығыстанушы, профессор, «Чехиядағы Азия достары» клубының жетекшісі Иржи Шима және Қазақстан Республикасының Чех Республикасындағы Елшілігінің дипломаттарымен бейнебайланыс арқылы кездесу өткізді.
Бейнеконференция «Архив-2025» жобасын іске асыру жөніндегі Кешенді іс-шаралар жоспарын жүзеге асыру аясында ұйымдастырылды, оның мақсаты шетел архивтеріндегі Қазақстан тарихы мен мәдениетіне қатысты жазба дереккөздер мен архивтік материалдарды анықтау болып табылады.
Иржи Шима қазақстандық архившілерінің ағымдағы жылдың маусым айында келгенге дейін Чехияның архивтері мен кітапханаларында Қазақстан тарихына қатысты құжаттарды, материалдар мен кітаптарды іздеу бойынша өз көмегін ұсынды. Бұл өз кезегінде ОМҒТҚА қызметкерлерінің іссапар барысында жемісті жұмыс атқаруына өз септігін тигізеді.