1941-1945 жылдардағы Ұлы Отан соғысындағы Жеңіс күні қарсаңында Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік ғылыми-техникалық құжаттама архиві қалалық мектеп оқушылары мен архив қызметкерлері үшін Ұлы Жеңістің 79 жылдығына арналған «Мәңгілік полк» құжаттық көрмесін ұйымдастырды.
Көрменің мақсаты – жас өспірімдердің ардагерлердің ерлігіне терең құрмет пен ризашылық сезімін ояту, олардың ерліктеріне мақтаныш сезімін ояту, сонымен қатар архив құжаттары негізінде тарихи жады мен ұрпақтар сабақтастығын қалыптастыру. Бұл жас ұрпақ арасында жалпыадамзаттық құндылықтарды тәрбиелеуге ықпал етеді.
Көрмеге Орталық мемлекеттік ғылыми-техникалық архивінде мемлекеттік сақтаудағы соғыс жылдарындағы фотоальбомдардан фотосуреттер, жеке заттар, майданнан келген хаттар, медальдар мен ордендер, Ұлы Отан соғысы ардагерлері мен қатысушыларының марапаттау парақтары қойылған.